2 SIANGPAHRANG 23:7 - Lai (Hakha) Common Language Bible 2006

⁷ Biaknak lei hlawhhlang an umnak inn, Bawipa inn chung i a ummi kha a hrawh hna; cuka ah cun khi nu hna nih khan Asherah caah puan an tak.

2 SIANGPAHRANG 23:7 Խաչաձեւ Հղումներ

EZEKIEL 16:16

Na thilthuam kha naa lak hna i ṭheng kha dawh ngaiin naa ser i naa ṭamh i cuka ah cun nu le pa sualnak kha na tuah; naa dawh ruangah amah ta si awkah amah he cun na sual.

1 SIANGPAHRANG 15:12

Biaknak lei pa hlawhhlang kha ram chungin a dawi hna i a pupa nih an sermi siasal vialte kha a ṭhial hna.

1 SIANGPAHRANG 14:24

cu ram chungah biaknak lei pa hlawhhlang zong an um. Israel mi hna hmai in Bawipa nih a ṭhawlmi miphun hna nih an tuahmi fihnung vialte kha an tuah ve.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

EZEKIEL 8:14

Cun Bawipa inn kutka, chaklei a hoihmi ah khan a ka kalpi i khika ah Tammuz a ṭah lengmangmi nu kha ka hmuh hna.

2 CHANRELNAK 34:33

Josiah nih cun Israel mi hna ta a simi ram chung khan fihnung vialte kha a hlonh dih i Israel ram i a ummi vialte kha Bawipa, an Pathian rian cu a ṭuanter hna. Amah chan chung cu annih nih Bawipa an pupa hna Pathian zulhnak khan an pial lo.

1 SIANGPAHRANG 22:46

Cun a pa Asa chan lio i a rak tang rihmi hlawhhlang nu le hlawhhlang pa vialte kha a ram chungin a hloh hna.

DEUTERONOMI 23:17

“Israel mi fanu hna lakah biaknak hlawhhlang an um awk a si lo; Israel mi fapa hna lak zongah biaknak hlawhhlang an um awk a si lo.

NAMBAR 25:1

Israel nih Shittim ah an um lioah Moab fanu hna he khan hlawh an hlang ṭi.

HOSEA 4:13

Tlang cung i khuahrumbo ah khan rai an thawi i Thingkung a sang i a hnah a ṭha i a thladem a kaumi toiah khan zihmui an khangh. Cu ruangah cun nan fanule hna cu hlawhhlangnu ah an cang i Nan fapale nupi hna cu vacung in pa an i duh.

HOSEA 4:14

Sihmanhsehlaw hi ruangah hin annih cu dan ka tat hna lai lo, Zeicahtiah nanmah zong biakinn i hlawhhlangnu a ummi hna he nan kal ve ko i anmah he cun Baal sinah khan raithawinak nan pekchanh ve ko, Cuticun phungthluk bia i “Hngalhnak a baumi cu an rawk,” tiah a um bantuk khan an rawk.