2 SIANGPAHRANG 23:6 - Lai (Hakha) Common Language Bible 2006

⁶ Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

2 SIANGPAHRANG 23:6 Խաչաձեւ Հղումներ

2 CHANRELNAK 34:4

Cun a mithmuh ah Baal biakṭheng hna kha a chimh hna; cun an cung i a dirmi zihmui biakṭheng hna kha a hau hna i Asherim le suaimi le thletmi milem hna kha a den cikcek hna i leidip ah a ser hna i an cung i rai a rak thawimi hna an thlan cungah khan a vorh hna.

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

JEREMIAH 17:2

An biakṭheng le an tung thiang hna cu thingkung hring kip toiah tlang ram fing le tlang kip cungah cun an dir.

2 SIANGPAHRANG 21:7

Bawipa nih David le a fapa Solomon sinah, “Hi inn chungah le Israel miphun vialte lakin ka thimmi Jerusalem khua chungah ka min ka chiah zungzal lai i ka mi Israel mi hna nih hin nawl ka pekmi vialte hna ning le Moses nih nawl a pekmi vialte hna ning in an tuah ahcun an pupa hna sinah ka rak pekmi ram chung hin an ke cu ka pialter lai lo,” tiah a timi inn chungah khan amah nih a serchommi Asherah siasal cu a chiah.

2 SIANGPAHRANG 10:27

Cun Baal tungphun kha an hrawh cikcek i Baal inn kha an hrawh cikcek i zunput ah an ser i nihin ni tiangin a si lan.

1 SIANGPAHRANG 16:33

Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh.

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.

DEUTERONOMI 9:21

Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

EXODUS 32:20

An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

JOHAN 18:1

Jesuh nih hi bangin thla a cam dih hnuah a zultu hna he khan Kidron varek ralchan ah khan an kal. Cuka ah cun dum pakhat a um i cu dum chungah cun Jesuh le a zultu hna cu an lut.

1 SIANGPAHRANG 2:37

Zeitintiah na chuah i Kidron tivarek na tan ni ah, ka thi hrimhrim lai, ti kha vaa hngalh; na thisen cu nangmah lu cung lila ah a tla lai,” tiah a ti.

2 SIANGPAHRANG 23:12

Cun Ahaz cung dot inncung i a ummi biakṭheng, Judah siangpahrang hna nih an sermi hna kha le Manasseh nih Bawipa inntual pahnih chung i biakṭheng a sermi hna kha a chimh hna i a den cikcek hna, cun a dip cu Kidron tiva ah a paih hna.

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

JEREMIAH 22:18

Cucaah Judah siangpahrang Josiah fapa Jehoiakim kong ah Bawipa bia cu hi bangin a si: ‘Aize, ka nau, ka dawtmi ka nau,’ tiin siseh, ‘Aize, ka bawipa le ka siangpahrang,’ tiin siseh, a ṭahtu ahohmanh an um lai lo.

JEREMIAH 31:40

Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

2 SIANGPAHRANG 10:26

Baal inn chung i a ummi tungphun kha an chuah i an khangh.

2 CHANRELNAK 15:16

A nu Maakah hmanh kha Asherah caah fihnung siasal a ser caah, Siangpahrang Asa nih, siangpahrang bawinu a sinak khan a phuah. A siasal cu a hau i a den cikcek i Kidron varek ah a khangh.