2 SIANGPAHRANG 23:14 - Lai (Hakha) Common Language Bible 2006

¹⁴ Cun lungphun kha a den cikcek hna i Asherim kha a hau hna i cu hmun ah cun mi ruh khat lak in a hlonh hna.

2 SIANGPAHRANG 23:14 Խաչաձեւ Հղումներ

DEUTERONOMI 7:5

Sihmanhsehlaw hi bangin annih cungah nan tuah lai: an biakṭheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

2 SIANGPAHRANG 23:16

Cun Josiah cu a hei i mer i tlang cungah khan thlan a hmuh hna; cun mi a thlah hna i thlan chung cun ruh kha an chuah hna i biakṭheng cungah khan an khangh i an thurhnawmhter; mah cucu Pathian mi, hi thil hna kong a rak chimchungtu nih Bawipa bia a rak thanhning te khan a si.

MIKAH 1:7

A milem vialte cu den an si dih lai i a siasal vialte cu an dihlak in khangh an si lai; A siasal vialte cu hnawmpon ah ka ser hna lai. Hlawhhlannak man in a cawkmi an si i hlawhhlannak man ah an cang ṭhan lai.

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

NAMBAR 19:18

cun a thiangmi pakhatkhat nih husop kha a lak lai i ti chungah cun a hnim lai i thlam le a thilri vialte le cuka i a ummi hna le, ruh siseh, thahmi siseh, mithi siseh, thlan siseh, a tawngmi pa cungah cun a theh lai;

NAMBAR 19:16

Ahohmanh nih lo i a um lioah nam in thahmi siseh, miruak siseh, miruh siseh, thlan siseh a tawngh ahcun ni sarih thianglo a si lai.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

ISAIAH 44:19

Siasal a sertu nih, “Thing cu, a cheu mei tih awkah ka hman. Cun mei ah cun rawl le sa ka chuan hna i ka ei hna. Cun thing kha a tangmi cu siasal ah ka ser i cu thingtan hmaiah cun atu hi ka kun,” ti ruah awk a hngal lo.

EZEKIEL 6:5

Israel mi hna ruak cu an siasal hna hmaiah khan ka hlonh hna lai i nan ruh cu nan biakṭheng hna pawngah khan ka ṭhek hna lai.

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.