2 SIANGPAHRANG 23:13 - Lai (Hakha) Common Language Bible 2006

¹³ Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

2 SIANGPAHRANG 23:13 Խաչաձեւ Հղումներ

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

1 SIANGPAHRANG 11:5

Zeitintiah Solomon nih cun Sidon mi hna khuazingnu Ashtoreth le Ammon mi hna pathian fihnung Milkom kha a zulh hna.

NAMBAR 21:29

Maw Moab, ngaihchiat awk na va si dah! Maw Khemosh biami hna, nannih cu nan lo cang ai! A fapa hna cu ralzam ah a ser hna i, A fanu hna cu Amor mi siangpahrang Sihon sinah cun sal ah a ser hna.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

JEREMIAH 48:16

Moab tluknak ding cu a phan cuahmah cang, A rawknak ding cu a nai ko cang.

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

JEREMIAH 48:7

Moab, nangmah nih na ralhau hna le na hriamnam hna kha naa bochan caah, nang zong lak na si ve lai; na pathian Khemosh cu a tlangbawi hna le a bawi hna he saltannak chungah a kal lai.

NEHEMIAH 13:26

Cu bantuk nu hna ruangah cun a si lo maw Israel siangpahrang Solomon nih a sual kha? Miphun tampi hna lakah amah bantuk siangpahrang ahohmanh an um lo i amah cu Pathian nih a dawt i Israel mi vialte cungah cun siangpahrang ah a ser; sihmanhsehlaw amah hmanh cu ramdang minu hna nih an sualter ko.

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.

1 SAMUEL 7:4

Cucaah Israel mi nih Baal hna le Ashtaroth hna kha an hlawt hna i Bawipa rian lawng kha an ṭuan.

BIACEIHTU 11:24

Na pathian Khemosh nih co awkah an pekmi kha na co awk cu a si hnga lo maw? Bawipa kan Pathian nih kan hmai in a pawnchuahmi vialte cu kannih nih kan co hna lai.

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 2:13

Bawipa cu an hlawt i Baal hna le Ashtaroth kha an biak.

ISAIAH 44:19

Siasal a sertu nih, “Thing cu, a cheu mei tih awkah ka hman. Cun mei ah cun rawl le sa ka chuan hna i ka ei hna. Cun thing kha a tangmi cu siasal ah ka ser i cu thingtan hmaiah cun atu hi ka kun,” ti ruah awk a hngal lo.

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.