2 SIANGPAHRANG 22:5 - Lai (Hakha) Common Language Bible 2006

⁵ cun Bawipa inn zohkhenhtu rianṭuantu hna kut chungah rak pe seh; cun annih nih Bawipa inn a remh lengmangtu,

2 SIANGPAHRANG 22:5 Խաչաձեւ Հղումներ

2 SIANGPAHRANG 12:5

tlangbawi nih anmah le an hngalhtheihmi hna cio sin khan la hna seh; cun inn kha remh awk a herhnak zawn paoh remh hna seh,” tiah a ti.

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

2 CHANRELNAK 24:27

A fapa hna kong le amah ralchanh in chimmi bia tampi le Pathian inn sak ṭhannak kong cu Siangpahrang hna Cauk Fianternak cauk ah an i ṭial. Cun a fapa Amaziah cu amah hmun ah khan a hung bawi.

2 CHANRELNAK 24:7

Zeicahdah tiah kha misual nu Athaliah fapa hna nih khan Bawipa inn kha an bauh i Bawipa inn chung i pekchanhmi thil vialte zong kha Baal caah an hman dih.

2 SIANGPAHRANG 22:6

lehtama hna le inn satu hna le lung lei zungthiam hna kha rak pe hna seh, cun inn remhnak ca i thingah le khoihmi lung cawknak caah khan a si fawn lai.

2 CHANRELNAK 34:10

Bawipa inn a zohkhenhtu rianṭuantu hna sinah khan an pek i Bawipa inn chung i rian a ṭuanmi hna nih cun inn cu remh ṭhan le dawhter ṭhannak caah an hman.