2 SIANGPAHRANG 22:20 - Lai (Hakha) Common Language Bible 2006

²⁰ Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i ṭhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.

2 SIANGPAHRANG 22:20 Խաչաձեւ Հղումներ

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

1 CHANRELNAK 17:11

Na pupa hna sin i um awkah na ni kha a tlin tikah, na hnuah na tefa, na fapa hna lak i pakhat cu a chan ka thawhter lai i a pennak cu ka fehter lai.

GENESIS 25:8

Chan tling cikcek in a nun hnuah a thi i a phunhawi hna sinah khan pumh a si ve.

JEREMIAH 22:10

Nannih Judah mi hna, Siangpahrang Josiah kha ṭah hlah u, A thih zun zong ngai hlah u; Sihmanhsehlaw a fapa Shallum tu kha lunghno ngaiin ṭah u, Zeicahtiah kir ti lo dingin an kalpi lai, A chuahnak ram kha zeitik hmanh ah a hmu ṭhan ti lai lo.

2 CHANRELNAK 34:28

Zohhmanh na pupa hna sinah kan pumh lai i daihnak in thlan khor na phan lai, cun hi hmun le a chung i a ummi hna cung i ṭhat lonak ka tlunter dingmi hi na mit nih a hmu lai lo, tiah va chim u,’ a ti,” tiah a ti. Cun annih nih bia cu siangpahrang sinah an ratpi ṭhan.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

2 SIANGPAHRANG 20:19

Khi tikah Hezekiah nih Isaiah cu, “Bawipa bia na chimmi cu a ṭha ko,” tiah a ti. Zeicahtiah, “Keimah chan chung i daihnak le himnak a um paoh ah zeidah?” tiah a ruah.