2 SIANGPAHRANG 22:17 - Lai (Hakha) Common Language Bible 2006

¹⁷ annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

2 SIANGPAHRANG 22:17 Խաչաձեւ Հղումներ

2 SIANGPAHRANG 21:22

Bawipa, a pupa hna Pathian cu a hlawt i Bawipa lam kha a zul lo.

1THESALON 2:16

Khamhnak a petu hna ding bia kha Jentail mi cu chim hna hlah u, an kan ti. Annih nih an sualnak cu an tamter chin luaimai i atu cu Pathian thinhunnak nih khan a tlakhnawh hna.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

MIKAH 5:13

Nan ram chung i nan siasal hna le nan tung thiang hna kha ka hrawh dih hna lai; Nanmah nih nan kut in nan serchommi thil hna hmaiah khan hmaizahnak in nan kun ti lai lo.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

JEREMIAH 22:9

Cun an i lehnak cu, ‘Annih nih Bawipa an Pathian biakamnak kha an hlawt i pathian dang kha an biak hna i an rian an ṭuan hna caah a si,’ ti a si lai,” a ti.

JEREMIAH 36:7

Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

DEUTERONOMI 32:23

“ ‘Cun an cungah ṭhat lonak ka pon hna lai i An cungah ka thal kha ka hman dih hna lai;

2 CHANRELNAK 28:25

Judah ram chung khua kip ah khan pathian dang hna sin i zihmui khanghnak caah khuahrum bo a ser hna i Bawipa, a pupa hna Pathian cu a thin a phawh.

ZEKHARIAH 1:2

Cu bia cu, Bawipa cu nan pupa hna cungah a thin a hung ngaingai, ti a si. Mizapi cu chim hna law, mah hihi Bawipa bia a si tiah ti hna: “Ka sinah ra kir u law nan sinah ka ra kir ṭhan ve lai, tiah ralkapbu Bawipa nih a ti.