2 SIANGPAHRANG 22:13 - Lai (Hakha) Common Language Bible 2006

¹³ “Va kal u law hi cauk hmuhmi chungbia kong ah hin Bawipa cu, keimah ca le mi zapi ca le Judah vialte caah, va hal tuah u; zeicahtiah, kan pupa hna nih hi cauk chung i aa ṭialmi bia, kannih ca i aa ṭialmi bia vialte ning khan an rak tuah lo caah Bawipa thinhunnak kan cung i a alhmi cu a ngan ko,” tiah a ti.

2 SIANGPAHRANG 22:13 Խաչաձեւ Հղումներ

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

ROM 4:15

Nawlbia nih cun Pathian thinhunnak lawng kha a chuahpi ko; nawlbia a um lonak hmun ah cun nawlbia buar zong a um ve lo.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

DANIEL 9:10

Bawipa kan Pathian cu na bia kan in ngai lo, na sal profet hna thawngin kan caah na chiahmi na phunglam cu kan zul hna lo.

ṬAHNAK HLA 5:7

Kan pupa hna nih an rak sual i atu ah an um ti lo, Annih sualnak thilrit kha kannih nih kan phorh.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

SALM 106:6

Kan pupa hna an rak sual bantuk khan kannih zong kan sual ve, palhnak kha kan tuah ve i ṭhat lonak kha kan tuah ve.

SALM 76:7

Sihmanhsehlaw nangmah cu mi nih an in ṭih hringhran ko! Na thin a hun ahcun ahodah na hmaiah a dir ngam lai?

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

NEHEMIAH 9:3

Cun an hmun cio ah khan an dir i Bawipa an Pathian phungbia cauk chung khan ni cheu li cheu khat chung cu an rel i a dang cheu li cheu khat chung cu sual phuannak le Bawipa an Pathian biaknak caah an hman.

2 CHANRELNAK 34:21

“Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa ṭialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.

2 CHANRELNAK 29:6

Zeicahtiah kan pupa hna cu zumhtlak loin an um i Bawipa kan Pathian mithmuh ah a ṭha lomi thil kha an tuah; amah cu an hlawt i Bawipa umnak hmun cu kaa dang an hoihtak i an hnulei an chit.

2 SIANGPAHRANG 3:11

Cun Jehoshafat nih a thawh i, “Hika ah hin Bawipa a kan halpiaktu ding Bawipa profet aho tal an um lo maw?” tiah a ti. Cu tikah Israel siangpahrang sinum pakhat nih a leh i, “Elijah kut i ti a rak toihtu Elisha, Shafat fapa kha hika ah hin a um ko,” tiah a ti.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

JEREMIAH 36:7

Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

LEVITIKAS 26:14

“Sihmanhsehlaw ka bia nan ngaih lo i hi nawlbia vialte hi nan tuah hna lo i

DEUTERONOMI 27:26

“ ‘Hi phungbia a dirpi lo i a zul lomi cu chiat seh,’ tiah an thanh lai. Cun mi vialte nih, ‘Amen’ an ti lai.

2 SIANGPAHRANG 23:26

Sihmanhsehlaw Manasseh nih a thin phawhnak a rak tuahmi vialte ruangah khan Judah cungah Bawipa thinhunnak kha a alh ko i cu a thinhunnak ṭih a nungmi cu a ṭhum hlei lo.

SALM 76:8

Vawleicung i hremnak a ingmi vialte hna khamh awkah; nangmah nih na biakhiahnak cu thanh awk i na thawh tikah, na biakhiahnak cu vancung khin na run langhter i vawlei cu a thin a phang i dai tein a um.