2 SIANGPAHRANG 21:6 - Lai (Hakha) Common Language Bible 2006

⁶ Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

2 SIANGPAHRANG 21:6 Խաչաձեւ Հղումներ

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

LEVITIKAS 19:31

“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi Bawipa nan Pathian cu ka si.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

2 SIANGPAHRANG 16:3

sihmanhsehlaw Israel siangpahrang hna lam kha a zul ve. Israel mi hna hmai in Bawipa nih a rak dawimi hna miphun nih thil fihnung an rak tuah bantuk khan, amah nih cun a fapa hmanh kha raithawi-nak caah a khangh.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

LAMKALTU 16:16

Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

1 CHANRELNAK 10:13

Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

2 SIANGPAHRANG 23:24

Cu hleiah tlangbawi Hilkiah nih Bawipa inn chungah a hmuhmi cauk chung i aa ṭialmi phungbia hna kha a fehter nakhnga, Josiah nih khan litin thiam hna le hnamngei hna le milem tete hna le siasal hna le Judah ram chung le Jerusalem khua chung i fihnung a simi thil an hmuhmi vialte hna kha a hloh dih hna.

ISAIAH 66:4

Cucaah cun ka kawh tik hna i an ka leh duh lo ca le ka chawnh tik hna i an ka chawnh duh lo caah an ṭihmi thil thengte, rawhralnak kha an cungah ka tlunter lai. Ka nawl zulh duh lo i ṭhat lonak tuah cu an i thimmi a si,” a ti.

JEREMIAH 19:4

Zeicahtiah hi mi hna nih hin an ka hlawt i hi hmun hi keimah ta si hlah seh law cu bang cun an tuah, anmah nih siseh, an pupa hna nih siseh, Judah siangpahrang hna nih siseh, an hngalh bal lomi pathian hna sinah khan rai an thawi i hi hmun cu a sual lomi thisen kha an khahter.

DEUTERONOMI 32:16

Ram dang pathian hna in a nah an chuahter Fihnung an tuahnak in a thin an hunter.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

JEREMIAH 19:5

Baal caah khan hmunthiang an ser hna i cuka ah cun an fapale hna kha baal ca i khangh thawinak ah an khangh hna. Mah cucu keimah nih ka pekmi hna nawlbia a si lo; a chim zong ka chim bal lo, ka lunglai zongah a chuak bal lo.

EZEKIEL 23:39

Ka hmunthiang chungah khan an lut i an siasal hna pekchanh awkah khan an fapale hna kha an thah hna caah ka hmunthiang cu an buar; mah hihi ka inn chung hrimhrim ah an tuah.