2 SIANGPAHRANG 21:5 - Lai (Hakha) Common Language Bible 2006

⁵ Cun Bawipa inntual pahnih chungah khan van i a ummi thil vialte hna caah biakṭheng a ser hna.

2 SIANGPAHRANG 21:5 Խաչաձեւ Հղումներ

1 SIANGPAHRANG 7:12

Tual ngan cu remhmi lung chonh thum le sidar thing thluan thap khat in kulh a si, Bawipa inn chung i chungchin tual le cu inn innleng bantuk khan.

2 SIANGPAHRANG 23:12

Cun Ahaz cung dot inncung i a ummi biakṭheng, Judah siangpahrang hna nih an sermi hna kha le Manasseh nih Bawipa inntual pahnih chung i biakṭheng a sermi hna kha a chimh hna i a den cikcek hna, cun a dip cu Kidron tiva ah a paih hna.

2 SIANGPAHRANG 23:4

Cun siangpahrang nih tlangbawi ngan Hilkiah le a niam deuhmi tlangbawi hna kha le innleng cawngtu hna kha Bawipa biaknak inn chungin Baal le Asherah le van i a ummi thil hna ca i sermi umkheng vialte kha chuah dih awkah a fial hna; Jerusalem khua leng Kidron lo chungah khan a khangh hna i an vutcam cu Bethel ah a kalpi hna.

1 SIANGPAHRANG 6:36

Cun a chung deuh tual cu remhmi lung thap thum le sidar thingphel thap khat in a ser.

EZEKIEL 44:19

Lenglei tual i mizapi sinah an va chuah tikah, ka rian an ṭuan lio i an i hrukmi thilpuan kha an i phoih lai i a thiangmi khaan chungah khan an chiahtak hna lai i thilpuan dang an i hruk lai; cu ti an tuah lo ahcun thiannak ṭhawnnak kha an thilpuan cun mi zapi sinah khan an kalpi sual hnga.

EZEKIEL 43:5

Thlarau nih a ka cawi i chunglei tual ah khan a ka chiah i Bawipa sunparnak cu biakinn cu a khat.

EZEKIEL 42:3

Chunglei tual ta a simi hmun dong kul chungah khan lenglei tual ta a simi lungrual he hmaitonh in inn khaan dot thum in an um.

EZEKIEL 40:47

Tual cu a tah i tungvangpalh a si; a tung dong za khat a vang dong za khat a si i biakinn hmaiah cun biakṭheng kha a um.

EZEKIEL 40:37

A innleng cu lenglei tual kha a hoih i a tung cungah cun a kam kip khan tumkung an suai hna; hungkainak ah cun lamhbak pariat a um.

EZEKIEL 40:32

Cun chungchin tual, nichuahlei kam i a ummi ah cun, a ka luhpi i a kutka cu a tah i a hawidang bantuk ṭhiamṭhiam kha a hmetngan ah a si.

EZEKIEL 40:28

Chungchin tual ah cun thlanglei kam kutka khan a ka luhpi i a tah i a hawidang bantuk ṭhiamṭhiam kha a si.

2 CHANRELNAK 33:15

Cun ramdang pathian hna le siasal kha Bawipa inn khan a ṭhial hna i Bawipa inn umnak tlang le Jerusalem i a sermi biakṭheng vialte kha khua lengah a hlonh dih hna.

2 CHANRELNAK 33:5

Cun Bawipa inn tual pahnih chungah khan vancung thil vialte caah khin biakṭheng a ser hna.

2 SIANGPAHRANG 23:6

Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

2 SIANGPAHRANG 23:5

Cun Judah siangpahrang hna nih Judah ram chung khua hna le Jerusalem kiangkap i a ummi khua hna khuahrum bo i zihmui khangtu ah an rak fehtermi siasal-tlangbawi kha, a phuah hna; Baal sinah siseh, ni sinah siseh, thlapa sinah siseh, arfibu sinah siseh, van i a ummi thil vialte hna sinah siseh, zihmui a khangtu tlangbawi hna zong kha a phuah hna.

2 CHANRELNAK 4:9

Tlangbawi hna tual le tual ngan le tual ca i innkhar kha a ser hna i an innkhar hna cu dar in a hut hna;

EZEKIEL 8:16

Cucaah Bawipa inn chung chungchin tual ah khan a ka kalpi i khika ah Bawipa hmunthiang i va luhnak ah cun, innleng le biakṭheng karlak ah, mi kul le panga tluk, hmunthiang cu hnulei chit in nichuahlei kha a zoh i a chuak liomi nika bawh buin a biami kha ka hmuh hna.