2 SIANGPAHRANG 21:14 - Lai (Hakha) Common Language Bible 2006

¹⁴ Cun a tangmi ka ro hi ka hlonh lai i an ral hna kut chungah ka chanh hna lai i an ral hna caah ral tlaihmi le hranchaw an si lai,

2 SIANGPAHRANG 21:14 Խաչաձեւ Հղումներ

JEREMIAH 23:33

Hi mi hna nih si hna seh, profet nih si hna seh, tlangbawi nih si hna seh, ‘Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

ṬAHNAK HLA 5:20

Na kan hlawt rumro a si lo i tah cawk loin kan cungah na thin a hun a si lo ahcun, Maw Bawipa, nangmah leiah kan hruai ṭhan ko, hlan lio kan sunparnak kha kan pe ṭhan ko.

ṬAHNAK HLA 1:10

A ro vialte kha tlaih awkah a ral nih a kut kha a chuah; Khi tikah khan, nangmah na mibu chungah luh awk na thlauhmi Jentail mi hna a hmunthiang chung i an luh kha a hmuh hna.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

JEREMIAH 12:7

Israel innchungkhar cu ka hlawt cang hna, Ka mi cu ka hlonh cang hna. Ka dawt ngaingaimi cu a ral hna kut chungah ka chanh cang.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 SIANGPAHRANG 24:2

Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

2 SIANGPAHRANG 21:13

Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

2 SIANGPAHRANG 21:15

zeicahtiah annih nih an pupa hna Izipt ram in an chuah ni in atu tiang ka mithmuh i ṭhat lonak kha an tuah lengmang ko;” tiah a ti.

2 SIANGPAHRANG 23:27

Cun Bawipa nih, “Israel ka ṭhial bantuk khan Judah zong hi ka mithmuh phak lonak ah ka ṭhial lai, cun ka thimmi khuapi Jerusalem hi le “Hi chungah ka min a um lai,” ti in ka rak timi inn zong hi ka hlonh hna lai,” tiah a ti.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 17:19

Judah mi hna zong nih Bawipa an Pathian nawlbia kha an zul lo, Israel mi nih an chuahpimi phunglam tu kha an zulh deuh.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

SALM 74:1

Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.