2 SIANGPAHRANG 20:5 - Lai (Hakha) Common Language Bible 2006

⁵ “I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

2 SIANGPAHRANG 20:5 Խաչաձեւ Հղումներ

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.

ISAIAH 38:5

Hezekiah sinah khan va kal law, “Na pu David i a Pathian Bawipa keimah nih na thlacamnak kha ka theih i na mitthli kha ka hmuh, kum hleinga kan nunter rih lai.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

2 SIANGPAHRANG 19:20

Cun Amoz fapa Isaiah nih Hezekiah sinah bia a cah i, “Hi bangin, Bawipa, Israel Pathian nih, ‘Assiria siangpahrang Sennakherib kong i na thlacamnak kha ka rak theih,’ a ti.

SALM 126:5

Mitthli he thlaici a tuhmi nih, lunglawmh aunak he an zun lai;

SALM 147:3

Lungkuai mi kha a damter hna i an hma kha a menpiak hna.

SALM 56:8

Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

JOHAN 5:14

A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak ṭhalo deuh nih an tlak sual lai,” tiah a ti.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

MATTHAI 22:32

‘Kei cu Abraham Pathian, Isak Pathian, Jakob Pathian ka si,’ tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si,” tiah a ti.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 38:22

Cun Siangpahrang Hezekiah nih cun, “Biakinn ah ka kal kho ṭhan lai tinak ah zei hmelchunhnak dah a um lai?” tiah a ti.

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

2 CHANRELNAK 34:3

Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

LUKA 18:10

“Mi pahnih cu Biakinn i thlacam awkah an hung kal; pakhat pa cu Farasi mi a si i a dang cu ngunkhuai khawltu a si.

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

2 SIANGPAHRANG 20:4

Cun Isaiah cu a laifang tual khan a chuah hlanah khin Bawipa bia cu a sinah a ra i,

SALM 107:20

A nawlbia in a damter hna i thlan chungin a khamh hna.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 3:9

Israel mi an ainak kha ka theih cang i Izipt mi nih zeitluk in dah an hrem hna kha ka hmuh.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

SALM 6:10

Ka ral cu an sung lai i vansang au in an um lai, lungmit in chikkhatte ah an zam lai.

SALM 34:18

Lung a dongmi kha Bawipa nih a umpi hna i ruahchannak a ngei lomi kha a khamh hna.

SALM 56:9

Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

SALM 119:26

Ka tuahmi vialte kha na sinah ka phuan dih i na ka leh; na nawlbia kha ka cawnpiak tuah hna.

ISAIAH 19:22

Bawipa nih Izipt mi cu dan a tat hna lai, sihmanhsehlaw a damter ṭhan hna lai. Annih nih amah leiah khan an i mer lai i an thlacamnak kha a theihpiak hna lai i a damter hna lai.