2 SIANGPAHRANG 20:19 - Lai (Hakha) Common Language Bible 2006

¹⁹ Khi tikah Hezekiah nih Isaiah cu, “Bawipa bia na chimmi cu a ṭha ko,” tiah a ti. Zeicahtiah, “Keimah chan chung i daihnak le himnak a um paoh ah zeidah?” tiah a ruah.

2 SIANGPAHRANG 20:19 Խաչաձեւ Հղումներ

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

LUKA 2:10

sihmanhsehlaw vancungmi nih cun a thawh hna i, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

ṬAHNAK HLA 3:39

Zeicahdah minung, a thi khomi minung nih hin, a phun a zai lai?

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

ESTHER 9:30

Ahasuerus ram chung i peng za le peng kul le peng sarih ah khan, Judah mi vialte sinah daihnak bia le biatak in ca an kuat hna i,

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

2 SIANGPAHRANG 20:20

Hezekiah tuahsernak a tang rihmi le a ṭhawnnak vialte le zeitindah tili le tidong kha a ser i khuapi chungah ti kha a luhter ti kha, Judah Siangpahrang hna Chanrelnak Cauk chungah an i ṭial lo mei?

1 SIANGPAHRANG 2:38

Cun Shimei nih siangpahrang sinah cun, “Na chimmi cu a ṭha; siangpahrang ka bawipa nih a chim bangin, cu bantukin na salpa nih ka tuah lai,” tiah a ti. Cucaah Shimei cu Jerusalem ah saupi a um.

1 SIANGPAHRANG 11:12

Sihmanhsehlaw na pa David ruangah nangmah chan chungah cun ka tuah lai lo, na fapa kut chung tu in ka thleh te lai.

2 SIANGPAHRANG 22:20

Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i ṭhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.