2 SIANGPAHRANG 20:17 - Lai (Hakha) Common Language Bible 2006

¹⁷ Zohhmanh, na inn chung i a ummi thil vialte le nihin tiangin na pupa hna nih an khonmi thil hna cu Babilon i kalpi lai caan ni a ra lio; nganhtami thil zeihmanh a um lai lo, tiah Bawipa nih a ti.

2 SIANGPAHRANG 20:17 Խաչաձեւ Հղումներ

2 SIANGPAHRANG 24:13

Bawipa nih a rak chimchung bang khan, Bawipa inn chung ro thil vialte le siangpahrang inn chung ro thil vialte kha a lak hna i Israel siangpahrang Solomon nih a rak sermi sui umkheng, Bawipa biakinn i a ummi vialte kha a khuai dih cikcek hna.

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

2 CHANRELNAK 36:18

Cun Pathian inn chung i a ummi umkheng vialte, a hme a ngan in, cun Bawipa inn rothil hna le siangpahrang le a bawi pawl rothil vialte hna cu an dihlak in Babilon ah an kalpi hna.

LEVITIKAS 26:19

nan ṭhawnnak nan i porhlawtnak kha ka hrawh lai i nan van hna cu thir bantuk ah ka ser hna lai i nan vawlei cu dar bantuk ah ka ser lai;

2 SIANGPAHRANG 20:16

Khi tikah Isaiah nih Hezekiah cu a thawh i, “Bawipa bia hi ngai tuah:

JEREMIAH 20:5

Cu hleiah, khuapi chung chawva vialte, rumnak vialte le Judah siangpahrang hna rorah vialte cu an ral hna kut chungah hranchaw ah ka pek hna lai i an tlaih hna lai i Babilon ah an kalpi hna lai.