2 SIANGPAHRANG 20:13 - Lai (Hakha) Common Language Bible 2006

¹³ Cun Hezekiah nih a rak conglawmh hna i a ro inn vialte, ngun, sui, rimthawmi, a sungmi chiti, a ral hriamnam, a thil chiahnak inn hna chung i a ummi vialte kha a hmuhsak hna; a inn chung i a ummi siseh a ram chung i a ummi siseh, Hezekiah nih a hmuhsak lomi hna a um lo.

2 SIANGPAHRANG 20:13 Խաչաձեւ Հղումներ

ISAIAH 39:2

Hezekiah nih khan lamkaltu pawl cu ṭha tein a rak conglawmh hna i a chawva kha a hmuhsak hna — sui le ngun le zihmui le thil rimhmui le a ral hriamnam kha a hmuhsak hna. A thil chiahnak inn i a chiahmi si hna seh, a ram chung thil si hna seh, a hmuhsak lomi hna zeihmanh an um lo.

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

PHUNGTHLÛKBIA 23:5

Na tangka cu mitṭhep ah an lo kho ko, Thla kha i serh duak in mupi bangin an zuang kho ko.

1 SIANGPAHRANG 10:25

Cun an dihlak khan kum khat ah cu zat cio ah tiin amah cu laksawng, ngun umkheng hna le sui umkheng hna, hnipuan le zihmui le rangtum hna le laa hna kha an rak phorh lengmang.

1 SIANGPAHRANG 10:15

mah hihi chawlet hna le chawdawr hna lam in le Arabia ram siangpahrang vialte hna le, cu ram uk bawi hna sinin a lutmi lengah a si.

1 SIANGPAHRANG 10:10

Cun siangpahrang cu sui talen za khat le kul le zihmui tampi le lungvar man sung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut ṭhan bal ti lo.

1 SIANGPAHRANG 10:2

Jerusalem ah cun mizul tampi he, zihmui a phormi kalauk hna le sui tampi le lungvar hna he a ra i Solomon sinah a phak tikah a lung chung i a ummi vialte cu a chimh dih.

2 SIANGPAHRANG 20:14

Cun profet Isaiah cu Siangpahrang Hezekiah sinah a ra i, “Hi hna nih hin zeidah an chim? Cun khuazei in dah na sinah an rat?” tiah a ti. Cun Hezekiah nih, “Annih cu a hlatpi ram, Babilon in an ra,” tiah a ti.

2 SIANGPAHRANG 20:15

Anih nih, “Na inn chungah zeidah an hmuh?” tiah a ti. Hezekiah nih, “Ka inn chung i a ummi thil vialte cu an hmuh dih ko; ka thil chiahnak inn hna chung i a ummi thil ka hmuhsak hna lomi an um lo,” tiah a leh.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

JEREMIAH 9:22

Cun Bawipa nih hi bangin a ti: Mithi mi an ruak hna cu lo lakah ek bantukin an ril liangluang lai i Rawlṭuantu hna nih an ṭuan hnu i an kaltakmi rawl, ahohmanh nih an pumh ṭhan ti lomi bantuk khi an si lai.