2 SIANGPAHRANG 2:3 - Lai (Hakha) Common Language Bible 2006

³ Cun profet fapa hna, Bethel i a ummi kha Elisha sinah cun an ra chuak i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si, ka hngalh; dai tein um ko u,” tiah a ti.

2 SIANGPAHRANG 2:3 Խաչաձեւ Հղումներ

2 SIANGPAHRANG 4:38

Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

2 SIANGPAHRANG 9:1

Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

LAMKALTU 22:3

“Kei cu Judah mi, Silisia ram Tarsas khua i a chuakmi ka si, sihmanhsehlaw ka ca cawnnak cu hika Jerusalem khua ah hin Gamaliel kut tangah khan a si. Kan pupa hna Phungbia kha fel tein cawnpiak ka rak si i nihin i nanmah vialte tlukte hin Pathian leiah aa pumpemi ka rak si.

ISAIAH 8:18

Zohhmanh, keimah le Bawipa nih a ka pekmi ka fale hi Zion Tlang i a ummi Ralkapbu Bawipa sinin a rami Israel mi caah hmelchunhnak le chingchiahnak kan si.

2 SIANGPAHRANG 5:22

Cun anih nih, “A ṭha dih. Ka bawipa nih keimah cu, ‘Efraim tlangram in ka sinah profet fapa hna chung khan tlangval pahnih, tu naite ah khan an ra; annih cu ngun talen pakhat le puai puan zun hnih rak pe hna, tiah kan nawl,’ ti in chim awkah a ka thlah,” tiah a ti.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 SIANGPAHRANG 2:7

Profet fapa hna chung khan sawm nga an kal ve i Jordan tiva pawng i an pahnih in an dir lioah khan lamhla nawn in an dir.

2 SIANGPAHRANG 2:5

Cun profet fapa hna Jeriko i a ummi kha Elisha pawngah cun an ra i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si ka hngalh; dai tein um ko u,” tiah a leh hna.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

DEUTERONOMI 33:3

A si, a mi kha a dawt hna; Amah sinah thiantermi vialte cu a kut chungah an um; Cucaah na keneh kha an zulh, Nangmah sinin lam hmuhsaknak kha an hmuh,

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

2 SIANGPAHRANG 6:1

Profet fapa hna nih khan Elisha cu an thawh i, “Zohhmanh, na kan hruinak tang i kan umnak hmun hi kan caah a hme tuk.

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.