2 SIANGPAHRANG 2:15 - Lai (Hakha) Common Language Bible 2006

¹⁵ Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 SIANGPAHRANG 2:15 Խաչաձեւ Հղումներ

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

2 SIANGPAHRANG 4:37

Cun a ra i a ke hram ah a bawk i a lu a khun i a fapa kha aa lak i a chuak.

2 SIANGPAHRANG 2:19

Cu khuami nih cun Elisha cu, “Zohhmanh, hi khua a umnak hmun hi a nuam ko, ka bawipa nih a hmuh bang hin; sihmanhsehlaw a ti a ṭha lo i a ram cu rawl a vui lo,” tiah an ti.

2 SIANGPAHRANG 2:7

Profet fapa hna chung khan sawm nga an kal ve i Jordan tiva pawng i an pahnih in an dir lioah khan lamhla nawn in an dir.

JOSHUA 4:14

Khi ni ah Bawipa nih Joshua cu Israel mi vialte hmaiah a hlorh i Moses an rak ṭihzah bantuk khan amah cu a chan chung vialte an ṭihzah ve.

JOSHUA 3:7

Cun Bawipa nih Joshua cu a chawnh i, “Nihin ah hin nangmah cu Israel mi vialte mithmuh ah hlorh hram kan thawk lai, zeitintiah annih nih, Moses sinah ka rak um bang khan, nangmah sinah ka um ve lai, ti kha an hngalh nakhnga.

NAMBAR 27:20

Nangmah nih amah cu na nawlngeihnak tlawmpal in na thuamh lai, Israel mibu dihlak nih a bia a ngaih nakhnga.

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

2 SIANGPAHRANG 5:22

Cun anih nih, “A ṭha dih. Ka bawipa nih keimah cu, ‘Efraim tlangram in ka sinah profet fapa hna chung khan tlangval pahnih, tu naite ah khan an ra; annih cu ngun talen pakhat le puai puan zun hnih rak pe hna, tiah kan nawl,’ ti in chim awkah a ka thlah,” tiah a ti.

2 SIANGPAHRANG 9:1

Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.