2 SIANGPAHRANG 19:31 - Lai (Hakha) Common Language Bible 2006

³¹ Jerusalem le Zion Tlang ah a tangmi an um lai. Ralkapbu Bawipa ṭannak nih mah hi cu a tuah lai.

2 SIANGPAHRANG 19:31 Խաչաձեւ Հղումներ

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

ROM 11:5

Cu bantuk ṭhiamṭhiam cun atu zongah hin a si: Pathian nih a zaangfah hna ruang i a thimmi tlawmte cu an um ve ko.

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

JOHAN 2:17

Cathiang nih, “Maw Pathian, na inn ka tlaihchannak hi ka chungah mei bangin a lin,” tiah a timi kha a zultu hna cu an lung ah a hung pem.

ZEKHARIAH 1:14

Va thanh tuah, hihi Bawipa bia a si: Jerusalem le Zion hi ka ham ngaingai hna;

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 59:17

Dinnak cu thir angki bantukin aa hruk lai i teinak cu lukhuh bantukin aa khuh lai. Thil ahmaan in tuah duhnak le mi cungah ṭhat lonak a tuahtu hna teirul cham le dantat duhnak kha puan bantukin aa aih lai.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

2 SIANGPAHRANG 19:37

Cun a pathian Nisrok biakinn chungah a biak lioah khan, a fapa Adrammelek le Sharezer nih vainam in an thah i Ararat ram ah an zam. Cun a fapa Esarhaddon cu amah hmun ah khan bawi a hung cang.

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

ISAIAH 37:32

Ralkapbu Bawipa nih hi cu a tlinter hrimhrim lai caah Jerusalem khua le Zion Tlang ah a tangmi cu an um lai,” a ti.

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

JOEL 2:18

Khi tikah Bawipa nih a ram kha a zawn a ruah i a mi hna cungah zaangfahnak a ngeih kha a langhter.