2 SIANGPAHRANG 19:26 - Lai (Hakha) Common Language Bible 2006

²⁶ an chungah a ummi minung hna cu zeihmanh tuah kho loin khuaruahhar le vansang au in an um. Lo chung ramkung le inncung khomi belh bantuk, an ṭhan hlan i nichuahlei thli nih a cartermi hna bantuk an si.

2 SIANGPAHRANG 19:26 Խաչաձեւ Հղումներ

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

JEREMIAH 51:32

Tiva tannak hna kha ral nih an tlaih cang hna i Ralhau cu mei in an khangh hna i Ralkap cu zeiti um awk hngal loin an um, an ti.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 92:7

miṭhalo kha belh bantukin an ṭhan i thil ṭhalo a tuahmi hna kha thluachuah an hmuh hi a si; sihmanhsehlaw rawhralnak an hmu ko lai,

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

NAMBAR 11:23

Cun Bawipa nih Moses sinah cun, “Bawipa kut cu a tawi hlah maw? Nannih ca i ka bia bangin a tlin le tlin lo cu na hmuh ko lai,” tiah a ti.

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

GENESIS 41:6

Cun a dang favui pasarih an hung chuak ve ṭhan i cu hna cu nichuahlei thli nih a chemmi bantukin thep selsul in an um.

ISAIAH 13:8

An dihlak in therphang in an um lai i nau nganfah a ingmi nu bantukin fahnak nih a tei hna lai. Pakhat le pakhat kha an i zoh tikah an i ṭih lai i an hmai thi khal a chuak ciocio lai.

GENESIS 41:23

Cun a dang favui pasarih an hung chuak ve i cu hna cu nichuahlei thli nih a chemmi bantukin thep selsul in an um.