2 SIANGPAHRANG 19:21 - Lai (Hakha) Common Language Bible 2006

²¹ Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

2 SIANGPAHRANG 19:21 Խաչաձեւ Հղումներ

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

MATTHAI 27:39

Cun aa chawkmi paoh nih khan an lu an thinhnawh i an bia-eng in,

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

JOB 16:4

Nang le kei hi umhmun aa thleng ding si u si law nangmah bantuk hin kei zong nih ka chim khawh ve ko hnga. Bia cun kan ṭhuat len ko hnga i ka lu zong kan hrilhhnawh len ko hnga.

ṬAHNAK HLA 2:15

A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

SALM 109:25

Mi nih an ka hmuh tikah an ka nihsawh, keimah serhsatnak ah an lu lawng an thing ko.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MIKAH 4:8

Cun nang, lung in sermi innsang, Zion fanu tlang, Nangmah sin i biakamnak sermi vialte kha ka tlinter lai; Hmasa lio na bawinak kha a ra kir ṭhan lai i Jerusalem fanu nih uknak na rak ngeihmi zong kha a ra kir ṭhan lai.

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

ṬAHNAK HLA 4:21

Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

ṬAHNAK HLA 1:15

Ka khua kulh chung i a ummi miṭhawng vialte hna cu Bawipa nih zeihmanh ah a rel hna lo; Ka ralkap valno rual kha cil dih awkah ralkap kha a ka pumhhnawh luaimai hna. Bawipa nih Judah fanu thiang cu, Mitsur nennak chung i mitsur thei bantukin a ke in a cil.

JEREMIAH 46:11

Gilead ah hung kal law damnak si hung i lak tuah, Maw Izipt fanu thiang. Nangmah nih si tampi na hneksak lengmang cang i pakpalawng an si dih; Na caah damnak zeihmanh a um lo.

JEREMIAH 31:4

Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

JEREMIAH 18:13

Cucaah Bawipa bia cu hi bangin a si na ti lai: Miphun hna kha va hal tuah hna u, hi bantuk hi aho tal nih an thei bal maw? Ngaknu thiang Israel nih thil ṭhalo cem bik a tuah ko.

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 23:12

Sidon khualipi, na lunglawmhnak cu a dih cang. Na mi cu hrem an si cang i Saipras tikulh i an zam hmanh ah, cuka zongah cun an him ṭhiamṭhiam lai lo.

ISAIAH 23:10

Kal u law lo va thlo u, Spain ram chung ram thar i a ummi hna. Ahohmanh nanmah hupphengtu ding an um ti lo.

ISAIAH 1:8

Jerusalem lawng a tang, cu hmanh cu ral nih an kulh dih — mitsur lo chung lo hngaktu thlam bantuk ceo a si, zil lo chung deu bantuk ceo a si cang.

SALM 137:8

Babilon, hrawh na si cang lai! Kan cung i na tuahmi ruangah, teirul an chamtu cu an i lawm lai,

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

SALM 44:14

Miphun hna lakah zahpi awk thil ah na kan ser; kanmah serhsatnak ah an lu kha an ka thinhnawh.