2 SIANGPAHRANG 19:16 - Lai (Hakha) Common Language Bible 2006

¹⁶ Maw Bawipa, na hna chi law thei tuah, na mit cu au law hmu tuah; cun Sennakherib nih a nungmi Pathian zawmhtaih awkah a chimmi bia hi thei tuah hna.

2 SIANGPAHRANG 19:16 Խաչաձեւ Հղումներ

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

SALM 31:2

Ka thlacamnak cu ka theihpiak law ka khamh ko sawh; ka himnak lungpi si law ka khamhnak ding caah a fekmi ralhau si ko.

2 CHANRELNAK 6:40

Maw ka Pathian, hi hmun thlacamnak hi run hmu ko sawh law, run thei ko sawh.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

HEBRU 11:26

Messiah ruang i nihsawhnak in cu Izipt ram chawhlawn vialte nakin a sung deuh ah a rel i cucu zeicahdah a si tiah, hmailei hmuh laimi laksawng kha a rak i ruah chih caah a si.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

SALM 79:12

Bawipa, miphun dang pawl cu, nangmah an in zawmhtaih ruangah khan a let sarih in rul hna.

2 SIANGPAHRANG 19:17

Maw Bawipa, Assiria siangpahrang hna nih miphun hna le an ram cu an hrawh taktak hna i,

SALM 74:22

Maw Pathian, tho law na bia kha chim tuah! Nangmah zei ah an rel lomi nih chun nitlak in nihchuak i an in saih kha philh hlah.