2 SIANGPAHRANG 18:4 - Lai (Hakha) Common Language Bible 2006

⁴ Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

2 SIANGPAHRANG 18:4 Խաչաձեւ Հղումներ

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 SIANGPAHRANG 12:3

Asinain khuahrum bo hna kha an hrawk hna lo i khuahrum bo ah cun mi nih rai an thawi i zihmui an khangh ṭheo ko.

1 SIANGPAHRANG 22:43

A pa Asa lam vialte kha a zulh dih; Bawipa mithmuh i a dikmi tuah awkah a pialtak hin lo; asinain khuahrumbo hna kha a hrawk hna lo i mi nih khan khuahrumbo ah cun rai an thawi i zihmui an khangh ṭheo ko rih.

BIACEIHTU 6:28

Cu khuami cu zingkate i an thawh tikah, zohhmanh, Baal biakṭheng cu a cim i a pawng i Asherah cu aa hau i cawtum pahnihnak cu biakṭheng aa sami cungah cun pekchanh a rak si.

BIACEIHTU 6:25

Khi zan ah Bawipa nih a sinah, “Na pa cawtum, cawtum pahnihnak kum sarih a timi kha la law, na pa ta a simi Baal biakṭheng kha chim dih tuah, cun a pawng i a ummi Asherah kha hau;

DEUTERONOMI 7:5

Sihmanhsehlaw hi bangin annih cungah nan tuah lai: an biakṭheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

2 CHANRELNAK 19:3

Asinain, Asherah hna cu ram chungin na hloh hna i Pathian kawl kha na lung in naa sehchih caah nangmah chungah ṭhatnak tlawmpal cu hmuh a si,” tiah a ti.

2 SIANGPAHRANG 16:15

Cun Siangpahrang Ahaz nih tlangbawi Urijah cu nawl a pek i, “Biakṭheng ngan ah hin zinglei khangh thawinak le zanlei changvut thawinak le siangpahrang khangh thawinak le a changvut thawinak cu, hi rammi hna an khangh thawinak le an changvut thawinak le an thlet thawinak vialte he khan na khangh lai; cun a cungah khangh thawinak thisen vialte le raithawinak thisen vialte kha na bungh hna lai; sihmanhsehlaw dar biakṭheng cu keimah nih Pathian ka chawnhnak caah a si lai,” tiah a ti.

2 SIANGPAHRANG 15:35

Asinain khuahrumbo cu an hrawk hna lo i mi nih khan khuahrumbo ah cun rai an thawi i zihmui an khangh ṭhiamṭhiam ko. Amah nih Bawipa inn cunglei kutka kha a ser.

2 SIANGPAHRANG 15:4

Sihmanhsehlaw khuahrum bo hna kha cu an hrawk hna lo i mi nih khuahrum bo hna ah khan rai an thawi i zihmui an khangh ṭhiamṭhiam ko.

2 SIANGPAHRANG 14:4

Sihmanhsehlaw khuahrum bo kha a hrawk hna lo i khua hrum bo ah cun mi nih rai an thawi i zihmui kha an khangh ṭheo ko rih.

2 SIANGPAHRANG 23:4

Cun siangpahrang nih tlangbawi ngan Hilkiah le a niam deuhmi tlangbawi hna kha le innleng cawngtu hna kha Bawipa biaknak inn chungin Baal le Asherah le van i a ummi thil hna ca i sermi umkheng vialte kha chuah dih awkah a fial hna; Jerusalem khua leng Kidron lo chungah khan a khangh hna i an vutcam cu Bethel ah a kalpi hna.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

ISAIAH 36:7

Cun a bia cu a vun peh i, “Asiloah, ‘Bawipa kan Pathian pei kan i bochan,’ nan ti hnga maw? Cu nan Pathian cu, Hezekiah nih a biakṭheng vialte a hrawhpiak dih i Judah ram mi le Jerusalem khuami hna cu, biakṭheng pakhat lawngah Pathian nan bia cang lai, tiah a timi hna kha a si ṭung.

DEUTERONOMI 5:5

Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:

2 SIANGPAHRANG 10:26

Baal inn chung i a ummi tungphun kha an chuah i an khangh.

2 SIANGPAHRANG 11:18

Cun rammi vialte cu Baal inn ah khan an va kal i an ṭheh i a biakṭheng hna le a siasal hna cu an den cikcek hna i biakṭheng hna hmaiah cun Baal tlangbawi Mattan kha an thah. Cun tlangbawi nih khan Bawipa inn vengtu kha a chiah hna.

2 SIANGPAHRANG 23:14

Cun lungphun kha a den cikcek hna i Asherim kha a hau hna i cu hmun ah cun mi ruh khat lak in a hlonh hna.