2 SIANGPAHRANG 18:25 - Lai (Hakha) Common Language Bible 2006

²⁵ Cu hleiah hi hmun hi hrawh awk i ka hunhnawh tikah hin Bawipa hnatla loin maw a si? Bawipa nih cun pei a ka thawh i, “Hi ram hi hung kalhnawh law hung hrawk,” a ka ti cu, a ti,’ tiah va chim u,” tiah a ti hna.

2 SIANGPAHRANG 18:25 Խաչաձեւ Հղումներ

2 SIANGPAHRANG 19:6

Isaiah nih annih cu, “Nan bawipa sinah cun, ‘Hi bangin Bawipa nih: Assiria siangpahrang sal hna nih an ka zawmhtaihnak bia na theihmi caah na thinphang hlah.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

2 CHANRELNAK 35:21

Sihmanhsehlaw a sinah lamkaltu a hei thlah hna i, “Judah siangpahrang, nangmah le keimah cu zeidah kan i ti awk a um? Nihin ah hin nangmah doh awkah ka ra lo, sihmanhsehlaw atu i a ka raltu innchungkhar he doh awkah ka ra; cun Pathian nih i khulranh tuah tiin nawl a ka pek. Ka sin i a ummi Pathian doh cu ngol tuah, zeicahtiah an hrawh sual lai,’ tiah a ti.

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

2 SIANGPAHRANG 18:24

A si kun ahcun, rangleng ca le rangcung ralkap ca i Izipt naa bochan tikah hin, zeitindah ka bawipa sal hna lak i a hme bik ralbawi pakhat hmanh hi na khirh khawh kun lai?

2 SIANGPAHRANG 18:26

Cun Hilkiah fapa Eliakim le Shebnah le Joah nih ralbawi ngan bik cu, “Zaangfahnak tein na sal hna hi Aramaik holh in kan chawn tuah, zeitintiah kan hngalh ko; ralhau cungah a ummi hna theih ah Judah holh in kan chawn hlah,” tiah an ti.

2 SIANGPAHRANG 24:3

Manasseh nih a tuahmi vialte ruangah le a sual lomi thisen a chuahmi ruangah, Bawipa nawl in hi thil cu Judah mi cungah, annih kha a mithmuh phak lo i ṭhial awkah, a tlung hrimhrim ko; zeitintiah Jerusalem khua kha a sual lomi thi in a khahter i Bawipa nih a ngaithiam duh lo.