2 SIANGPAHRANG 18:24 - Lai (Hakha) Common Language Bible 2006

²⁴ A si kun ahcun, rangleng ca le rangcung ralkap ca i Izipt naa bochan tikah hin, zeitindah ka bawipa sal hna lak i a hme bik ralbawi pakhat hmanh hi na khirh khawh kun lai?

2 SIANGPAHRANG 18:24 Խաչաձեւ Հղումներ

ISAIAH 10:8

Aa thawh i, “Ka ralbawi cu an dihlak in siangpahrang an si.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

DANIEL 4:22

Nangmah cu na ṭhang i na ṭhawng. Na lianhngannak cu a thang i van a tawng; na bawi sinak cu vanhramdeng a phan.

EZEKIEL 17:17

Mi tampi thihnak ding caah raltuknak chuntlung le kahcham tampi a sermi Babilon mi hna kut chung khan Izipt siangpahrang ralkapbu ṭhawng hmanh nih an chanh kho lai lo.

EZEKIEL 17:15

Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cu a luat kho lai maw? Biakamnak kha hrawk in a luat kho hnga maw?

JEREMIAH 37:7

“Hi bangin Ralkapbu Bawipa, Israel Pathian nih a ti: Keimah kha bia hal awkah an thlahtu Judah siangpahrang sinah cun, ‘Zohhmanh, nangmah bawmh awkah aa thawhmi Faro ralkapbu cu anmah ram Izipt ram ah khan an kir dengmang cang.

ISAIAH 36:9

Assiria bawi lak i a hme bik hmanh tluk ṭung loin, Izipt nih rangleng le rangcung ralkap a kan kuat lai, nan hei ti.

ISAIAH 36:6

Izipt nih a kan bawmh lai tiah nan i ruah ahcun, cucu phaikung ṭhiangṭhunh i i hman bantuk a si — phaikung cu ṭhiangṭhunh i hman ahcun a kiak i kut lam ah mi a chun. Izipt siangpahrang cu mi nih an i bochan tikah cu bantuk cu a si ko,” a ti.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

2 SIANGPAHRANG 18:21

Zohhmanh, aa hngauhmi paoh an kut a rak chuntu hluang ṭhiangṭhunh per, Izipt naa bochan ko hih. Cu bantuk cu pei Izipt siangpahrang Faro cu amah aa bochanmi hna caah a si ko cu.

DEUTERONOMI 17:16

Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang.

2 SIANGPAHRANG 18:23

Cucaah cun ra law Assiria siangpahrang ka bawipa he biakamnak ser tuah u: Nangmah nih aa cittu dingmi naa hmuh khawh hna ahcun, rangtum thong hnih kan pek lai.

2 SIANGPAHRANG 18:25

Cu hleiah hi hmun hi hrawh awk i ka hunhnawh tikah hin Bawipa hnatla loin maw a si? Bawipa nih cun pei a ka thawh i, “Hi ram hi hung kalhnawh law hung hrawk,” a ka ti cu, a ti,’ tiah va chim u,” tiah a ti hna.

GENESIS 50:9

Rangleng le rangcung ralkap zong kha an kal ve; bu ngan ngaingai an si.

1 SIANGPAHRANG 20:10

Benhadad nih a sinah cun a hei thlah hna i, “Cu bangin pathian hna nih ka cungah tuah hna seh law tam deuh zongin tuah hna seh, Samaria khua leidip cu a ka zultu hna caah pei khat cio in a zaat ding a si ahcun,” tiah a ti.

ISAIAH 30:1

Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak ṭinak an tuah, sualnak pakhat cungah a dang pakhat an chap chin lengmang.

EZEKIEL 29:6

Cucaah Izipt ram i a ummi vialte nih Bawipa ka si kha an hngalh lai, Zeicahtiah Israel mi na bawmh hnanak cu phaikung nakin a ṭha hlei lo i