2 SIANGPAHRANG 18:22 - Lai (Hakha) Common Language Bible 2006

²² Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 SIANGPAHRANG 18:22 Խաչաձեւ Հղումներ

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

1 KORIN 2:15

Thlarau a ngeimi nih cun zeizong vialte kha an ṭhat an chiat an khing an thlai khawh, sihmanhsehlaw anmah tu cu ahohmanh nih sual an phaw kho hna lo.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

ISAIAH 36:7

Cun a bia cu a vun peh i, “Asiloah, ‘Bawipa kan Pathian pei kan i bochan,’ nan ti hnga maw? Cu nan Pathian cu, Hezekiah nih a biakṭheng vialte a hrawhpiak dih i Judah ram mi le Jerusalem khuami hna cu, biakṭheng pakhat lawngah Pathian nan bia cang lai, tiah a timi hna kha a si ṭung.

2 CHANRELNAK 32:12

Hi Hezekiah ṭhiamṭhiam nih hin a si lo mei a khuahrum bo hna le a biakṭheng hna kha a hlonh hna i Judah le Jerusalem cu, “Biakṭheng pakhat hmaiah nan biak lai i cu cungah cun nan raithawinak hna kha nan khangh lai,” a ti kha.

2 SIANGPAHRANG 18:23

Cucaah cun ra law Assiria siangpahrang ka bawipa he biakamnak ser tuah u: Nangmah nih aa cittu dingmi naa hmuh khawh hna ahcun, rangtum thong hnih kan pek lai.

2 SIANGPAHRANG 19:6

Isaiah nih annih cu, “Nan bawipa sinah cun, ‘Hi bangin Bawipa nih: Assiria siangpahrang sal hna nih an ka zawmhtaihnak bia na theihmi caah na thinphang hlah.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:14

sihmanhsehlaw nanmah phun chung pakhatkhat ah Bawipa nih a thim laimi hmun ah, khika ah nan khangh thawinak cu nan pekchanh hna lai i khika ah nawl kan pekmi vialte hna cu nan tuah lai.