2 SIANGPAHRANG 18:14 - Lai (Hakha) Common Language Bible 2006

¹⁴ Cun Judah siangpahrang Hezekiah nih Lakhish ah Assiria siangpahrang sinah cun mi a hei thlah hna i, “Ka palh cang; ka kirtak ko; ka cung i na ka khinhmi paoh ka in lai,” tiah a ti. Cun Assiria siangpahrang nih Judah siangpahrang Hezekiah cu ngun talen za thum le sui talen sawm thum a cawh.

2 SIANGPAHRANG 18:14 Խաչաձեւ Հղումներ

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

LUKA 14:32

Ka do kho lai lo tiah a hngalh ahcun, siangpahrang cu lamhlapi i a rat lioah khan va don i remnak ser awkah lamkal a thlah hna lai.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

1 SIANGPAHRANG 20:4

Cun Israel siangpahrang nih cun a leh i, “Na chim bangin, ka bawipa, maw siangpahrang, keimah le ka ngeihmi vialte cu nangmah ta kan si ko,” tiah a ti.

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

2 SIANGPAHRANG 14:19

Cun amah rawinak ding kha Jerusalem ah an tuah i Lakhish ah a zam. Sihmanhsehlaw Lakhish ah cun mi an hei dawiter hna i khika ah khan an thah.

2 SIANGPAHRANG 19:8

Assiria siangpahrang nih Lakhish kha a kaltak i Libnah a tuk tiah ralbawi ngan bik nih a theih tikah, cuka ah cun amah ton awkah khan a va kal.

JEREMIAH 34:7

Babilon siangpahrang ralkap hna nih Jerusalem khua an tuk lioah khan a chimh. Ralkap pawl nih cun Lakhish le Azekah zong kha an tuk, hi hna lawng hi Judah ram chung i kulh ngeimi khua a tangmi cu an si.

2 SIANGPAHRANG 15:20

Menahem nih tangka cu Israel mi kha a kholh hna, Assiria siangpahrang pek awkah cun, an mirum vialte kha ngun shekel sawm nga cio a kholh hna. Cucaah Assiria siangpahrang cu aa let ṭhan i ram chungah khan a um lo.