2 SIANGPAHRANG 18:12 - Lai (Hakha) Common Language Bible 2006

¹² zeicahdah a si tiah annih nih Bawipa an Pathian aw kha an ngai lo i a biakamnak kha an buar, Bawipa sal Moses nih nawl a pekmi vialte hna hmanh kha an buar; a ngaih zong an ngai duh lo, a tuah zong an tuah duh lo.

2 SIANGPAHRANG 18:12 Խաչաձեւ Հղումներ

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

2TIMOTE 2:24

Bawipa sal cu, aa si lengmangmi a si awk a si lo. Mi vialte cungah zaangfahnak a ngeimi, lung a saumi cawnpiaktu ṭha,

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

MIKAH 3:4

Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 3:8

Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

SALM 107:17

A cheu cu an sual ruangah an zaw, ṭhat lonak an tuah ruangah temhnak an ing;

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

1 SIANGPAHRANG 9:6

Sihmanhsehlaw nangmah siseh, na fale si hna seh, keimah zulhnak khan nan pial i nan hmaiah ka chiahmi ka nawlbia le ka phungbia kha nan zulh hna lo i nan kal i pathian dang kha an rian nan ṭuan hna i nan biak hna ahcun,

JOSHUA 1:1

Bawipa sal Moses thih hnuah, Moses rianṭuantu Joshua, Nun fapa cu, Bawipa nih a chawnh i,

DEUTERONOMI 34:5

Cu bangin Bawipa sal Moses cu Bawipa bia ningin Moab ram chungah a thi i,

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 11:28

cun Bawipa nan Pathian nawlbia cu nan zulh lo i nan hngalh bal lomi pathian dang hna biak awkah nihin i nawl kan pekmi hna lam nan pial tak ahcun, chiatserhnak a si lai.

DEUTERONOMI 8:20

Nan hmaiah Bawipa nih miphun a rawkter hna bangin Bawipa nan Pathian aw cu nan ngaih duh lo ahcun, cu bangin nan rawk ve lai.

NAMBAR 12:7

Sihmanhsehlaw ka sal Moses cu, cu bantuk cun a si lo; ka inn cu a dihlak in a kut chungah ka chiah;

SALM 78:10

Pathian sinah bia an i kammi kha an zul lo, a nawlbia kha ngaih an duh lo.

AMOS 2:6

Mah hihi Bawipa bia an si: Israel nih ṭhat lonak kha pakhat hnu pakhat in a tuah lengmang caah A cung i ka tlunter dingmi dantatnak kha ka let lai lo. Annih nih a sual lomi kha ngun ah an zuarh hna i Sifakmi kha kedan tuah khat ah an thlen hna.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

SALM 81:12

Cucaah nan lung ṭhawn ning bantukin nan lam kha kan zulhter hna i nan duhmi paoh kha kan tuahter hna.

EZEKIEL 11:12

Israel ramri ah nannih cu bia kan ceih hna lai i cuticun Bawipa ka si kha nan hngalh lai. Ka phunglam kha nan zul lo i ka nawlbia kha nan tuah lo, sihmanhsehlaw nan velchum i a ummi miphun dang hna phung tu kha nan zulh,” tiah a ti.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.