2 SIANGPAHRANG 17:8 - Lai (Hakha) Common Language Bible 2006

⁸ Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.

2 SIANGPAHRANG 17:8 Խաչաձեւ Հղումներ

2 SIANGPAHRANG 16:3

sihmanhsehlaw Israel siangpahrang hna lam kha a zul ve. Israel mi hna hmai in Bawipa nih a rak dawimi hna miphun nih thil fihnung an rak tuah bantuk khan, amah nih cun a fapa hmanh kha raithawi-nak caah a khangh.

DEUTERONOMI 18:9

“Bawipa nan Pathian nih an pekmi hna ram nan phak tikah, cuka miphun hna nih an tuahmi fihnung cu zulh ve awkah nan cawng lai lo.

LEVITIKAS 18:3

Nannih nan rak umnak Izipt ram i an tuah bantuk khan nan tuah lai lo i kan kalpi hna lainak ram Kanaan ram i an tuah bantuk zongin nan tuah lai lo. Annih an nawlbia kha nan zul lai lo.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

JEREMIAH 10:2

Hi bangin Bawipa nih a ti: Miphun dang hna lam kha i cawn hlah u, Van i hmelchunhnak nan hmuhmi hna ruang zongah khin nan khuaruah har hlah u, Khi bantuk i khuaruah a harmi cu miphun dang hna khi pei an si ko cu.

SALM 106:35

an ṭhit an vat lehlam hna i an ziaza kha an i cawn.

2 SIANGPAHRANG 21:2

Bawipa nih Israel mi hna hmai in a ṭhawlmi hna miphun hna nih an tuahmi fihnung phunglam ning khan, amah nih Bawipa mithmuh ah ṭhat lonak kha a tuah.

2 SIANGPAHRANG 17:19

Judah mi hna zong nih Bawipa an Pathian nawlbia kha an zul lo, Israel mi nih an chuahpimi phunglam tu kha an zulh deuh.

2 SIANGPAHRANG 16:10

Ahaz siangpahrang cu Assiria siangpahrang Tiglath-pileser kha va ton awkah Damaskas khua i a kal tikah, Damaskas khua i a ummi biakṭheng kha a hmuh. Cun Ahaz Siangpahrang nih tlangbawi Urijah cu biakṭheng pungsan le a tuah ningcang le a cingcuai kha tling tein a kuat.

1 SIANGPAHRANG 21:26

Israel mi nih ram kha an hun nam tikah an hmai in Bawipa nih ram chungin a dawimi hna Amor mi nih an biakmi siasal biaknak thil fihnung bik kha Ahab nih a tuah).

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

EZEKIEL 5:6

sihmanhsehlaw cu miphun dang hna le ramdang hna nak i ṭhalo deuh in ka phung le ka nawlbia kha a doh hna; a mi hna nih cun ka phung kha an hlawt hna i ka nawl bantuk khan um an duh lo.”

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

2 SIANGPAHRANG 17:40

Sihmanhsehlaw annih nih an ngai duh lo i hmasa an tuah tawn ning ṭheo khan an tuah ko.