2 SIANGPAHRANG 17:39 - Lai (Hakha) Common Language Bible 2006

³⁹ sihmanhsehlaw nan Pathian cu nan ṭih lai i nan ral vialte hna kut chungin an chuahter hna lai,” tiah a ti.

2 SIANGPAHRANG 17:39 Խաչաձեւ Հղումներ

LUKA 1:50

Amah a ṭihmi vialte kha chan khat hnu chan khat in a zaangfah hna.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

NEHEMIAH 9:27

Cucaah an ral hna kut chungah khan na chanh hna i annih nih an hrem hna. Sifahnak an in tikah nangmah cu an in auh i vancung khin na run theih hna; na zaangfahnak a ngan bantukin an ral hna kut chungin a khamhtu hna khamhtu kha na pek hna.

2 SIANGPAHRANG 17:36

sihmanhsehlaw Izipt ram chungin a nganmi ṭhawnnak le samhmi ban he an chuahpitu hna Bawipa kha cu nan ṭih lai; amah hmaiah nan kun lai i raithawinak nan pekchanh lai.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

LUKA 1:71

‘Kan ral hna kut chungin le kanmah a kan huatu vialte hna sin khan, khamh awkah bia a kan kam.

2 SIANGPAHRANG 17:38

cun nanmah he ka sermi biakamnak kha nan philh lai lo. Nannih nih pathian dang kha nan ṭih hna lai lo,

2 SIANGPAHRANG 17:40

Sihmanhsehlaw annih nih an ngai duh lo i hmasa an tuah tawn ning ṭheo khan an tuah ko.

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.