2 SIANGPAHRANG 17:25 - Lai (Hakha) Common Language Bible 2006

²⁵ Cun an umter ah cun Bawipa kha an ṭih lo; cucaah Bawipa nih chiandeih a thlahhnawh hna i tlawmpal an seh hna.

2 SIANGPAHRANG 17:25 Խաչաձեւ Հղումներ

2 SIANGPAHRANG 17:41

Cuticun hi miphun hna nih hin Bawipa cu an ṭih i serchommi an siasal hna cu an biak ṭhiamṭhiam fawn hna; an fale le an fale fa hna zong nih an tuah — an pupa hna nih an tuah bantukin nihin ni tiangin an tuah ko.

2 SIANGPAHRANG 17:34

Nihin ni tiang hin hlan i an rak tuahning khan an tuah ko. Annih nih Bawipa kha an bia lo i Bawipa nih Israel tiah min a sakmi Jakob i a tefa hna sinah nawl a pekmi nawlbia si hna seh, phunglam si hna seh, phungbia siseh, phung siseh, an zul lo.

2 SIANGPAHRANG 17:32

Bawipa zong kha an ṭih ṭhiamṭhiam, cucaah anmah lakin khuahrum bo tlangbawi ah khan an i ser i khuahrum bo hmunthiang hna ah cun rai an thawipiak hna.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

EZEKIEL 14:15

Ram pakhatkhat cu a chung i a ummi minung hna kha hrawh awkah sahrang kha ka thlahhnawh hna, cu sahrang hna nih cun an hrawh cikcek i cu sahrang hna ṭih ah cun ahohmanh nih an pal ti lo tikah,

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

2 SIANGPAHRANG 17:28

Cucaah Samaria ram in an kalpimi tlangbawi hna lakin pakhat cu a ra i Bethel khua ah khan a um i zeitindah Bawipa an ṭih awk a si kha a cawnpiak hna.

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

1 SIANGPAHRANG 20:36

Cu tikah anih nih, “Bawipa aw kha na ngaih lo caah, zohhmanh, ka sin i na kal cangkate hin chiandeih nih an seh lai,” tiah a ti. Cun a sinin a kal cangkate cun chiandeih nih a rak ton i a seh taktak.

1 SIANGPAHRANG 13:24

Cun a kal lioah khan lam ah chiandeih nih a ton i a seh. Cun a pum cu lam ah cun a tla i laa cu a pawngah khan a dir ko; chiandeih zong cu a ruak pawngah cun a dir ve ko.

JOSHUA 22:25

Zeitintiah nannih Reuben mi hna le Gad mi hna, nannih le kannih karah Bawipa nih Jordan cu ramri ah a ser ko; Bawipa chungah nannih cu covo nan ngei lo,’ an ti hna lai ti kan phan caah kan tuah cu a si. Cuticun nan fale nih kan fale cu Bawipa biak kha an ngolter sual hna hnga.

LEVITIKAS 26:22

Nannih lak i sahrang cu ka thlah hna lai i nan fale kha an in sehpiak hna lai, nan saṭil kha an in hrawhpiak hna lai i an in tlawmter hna lai, cu caah nan lam hna cu an ṭhing dih lai.

2 SIANGPAHRANG 17:26

Cucaah Assiria siangpahrang cu an chimh i, “Nangmah nih na kalpi hna i Samaria ram khua chung i na va chiahmi miphun hna nih cu ram pathian phunglam kha an hngal lo; cucaah chiandeih a thlahhnawh hna i zohhmanh an seh len ko hna, zeicahtiah annih nih cu ram pathian phunglam kha an hngal lo,” tiah an ti.

ISAIAH 15:9

Dibon khua ah khan tiva cu thisen in a luang, sihmanhsehlaw cuka mi hna caah khan Pathian nih cu nak chia chin cu a chiah ko rih. Moab ram chung i a tangmi hna kha heh tiah an sam hna lai.