2 SIANGPAHRANG 17:13 - Lai (Hakha) Common Language Bible 2006

¹³ Sihmanhsehlaw Bawipa nih Israel le Judah cu profet kip le hmutu kip in ralrinnak a pek ṭhiamṭhiam hna i, “A ṭha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti.

2 SIANGPAHRANG 17:13 Խաչաձեւ Հղումներ

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

1 SAMUEL 9:9

(Hlan lioah cun Israel mi hna lak i pakhatkhat nih Pathian kha hal an duh ahcun, “Ra tuah, hmutu sinah kal u sih,” tiah an rak ti tawn, zeicah tiah atu i profet timi hi hlanah cun hmutu ti a rak si.)

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

JEREMIAH 42:19

Cun Jerimiah nih a bia cu a peh i, “Nannih Judah ram chung i a tangmi hna, Bawipa nih Izipt ram i kal lo awkah an chimh hna. Cucaah nan palh ngaingai caah

SALM 50:7

“Ka mi hna, ka bia ngai u law bia ka chim lai; Israel, nangmah cu fiang tein kan hngalhter lai. Pathian cu keimah hi ka si i keimah cu na Pathian ka si.

1 CHANRELNAK 29:29

Cun Siangpahrang David tuahsermi hna cu, a hmasa bik in a hmanung bik tiang, hmutu Samuel Chanrelnak ah le profet Nathan Chanrelnak ah le hmutu Gad Chanrelnak ah an i ṭial,

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

BIACEIHTU 6:10

cun nannih sinah, ‘Keimah cu Bawipa nan Pathian cu ka si; an ram chung i nan umnak Amor mi hna pathian hna cu upatnak nan pe hna lai lo, ka ti; sihmanhsehlaw ka aw kha zei ah nan rel lo,’ a ti,” tiah a ti.

JOB 36:10

An hna chungah ralrinnak bia kha a pek hna i An ṭhat lonak lam khan kir ṭhan awkah a kawh hna.

JEREMIAH 3:7

Mah hi vialte hi a tuah dih cun ka sinah a kir rua lai tiah ka rak ruah; sihmanhsehlaw a kir lo i a unaunu hlenhmang Judah nih cun mah cucu a hmuh ve.

JEREMIAH 34:14

Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai.

EZEKIEL 3:19

Sihmanhsehlaw ralrinnak na pe nain a ziaza ṭhalo kha a tuah lengmang ṭhiamṭhiam ko ahcun, a ṭhat lonak ruangah khan a thi lai i sihmanhsehlaw nangmah tu cu na luat kho lai.

DANIEL 9:10

Bawipa kan Pathian cu na bia kan in ngai lo, na sal profet hna thawngin kan caah na chiahmi na phunglam cu kan zul hna lo.

HOSEA 11:2

Sihmanhsehlaw ka kawh deuh hna paoh ah an ka hlat chin lengmang Baal sinah khan raithawinak an tuah i serchom siasal sinah khan rimhmui kha an khangh.

HOSEA 12:10

Profet hna sinah cun bia ka chim i langhnak tampi ka pek hna. Atu cu profet hna sin cun rawhralnak kha ka tlunter lai.

BIACEIHTU 6:8

Israel mi sinah cun Bawipa nih profet pakhat a thlah; cun anih nih annih sinah “Hi bangin, Bawipa, Israel Pathian nih, Izipt ram in ka hun in hruai hna i saltannak inn chungin kan chuah hna;

1 SIANGPAHRANG 16:1

Cun Baasha kong ah Hanani fapa Jehu sinah Bawipa bia a phan i,

1 SIANGPAHRANG 16:7

Cuhleiah Baasha le a innchungkhar he ralchanh in, a kut tuahmi thil in Bawipa cu a thin a phawh i a mithmuh i ṭhat lonak a tuahmi vialte ca le Jeroboam innchungkhar bantuk a si i a hrawh zong a hrawh caah khan, Hanani fapa profet Jehu sinin Bawipa bia cu a ra.

2 SIANGPAHRANG 18:6

Zeicahtiah amah nih Bawipa kha fek tein aa tlaih i amah hnu zulhnak kha a kaltak lo i Bawipa nih Moses nawl a pekmi nawlbia kha a zulh hna.

2 SIANGPAHRANG 21:10

Cun Bawipa nih, a sal profet hna in bia a chim i,

JOB 11:14

Na kut chungah ṭhat lonak a um ahcun, lamhlatpi ah va hlonh tuah, ṭhat lonak cu na thlam chungah umter hlah.

JEREMIAH 11:7

Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.