2 SIANGPAHRANG 16:15 - Lai (Hakha) Common Language Bible 2006

¹⁵ Cun Siangpahrang Ahaz nih tlangbawi Urijah cu nawl a pek i, “Biakṭheng ngan ah hin zinglei khangh thawinak le zanlei changvut thawinak le siangpahrang khangh thawinak le a changvut thawinak cu, hi rammi hna an khangh thawinak le an changvut thawinak le an thlet thawinak vialte he khan na khangh lai; cun a cungah khangh thawinak thisen vialte le raithawinak thisen vialte kha na bungh hna lai; sihmanhsehlaw dar biakṭheng cu keimah nih Pathian ka chawnhnak caah a si lai,” tiah a ti.

2 SIANGPAHRANG 16:15 Խաչաձեւ Հղումներ

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

1 SIANGPAHRANG 8:64

Cu ni ṭhiamṭhiam ah cun siangpahrang nih Bawipa inn hmai i a ummi tual a laifang kha a thianter; zeicahtiah Bawipa hmai i a ummi dar biakṭheng kha, khangh thawinak le changvut thawinak le daihnak thawinak i a thau hna tlum awk caah a hme tuk i cucaah khika ah khan khangh thawinak le changvut thawinak le daihnak thawinak i a thau hna kha a pekchanh hna.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

DANIEL 12:11

Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

2 CHANRELNAK 29:35

Khangh thawinak tampi lengah cun daihnak thawinak ca i sathau le khangh thawinak ca i thletmi an um. Cuticun Bawipa inn i rianṭuannak cu umter ṭhan a si.

2 CHANRELNAK 29:32

Aa pummi nih khangh thawinak an rak putmi cu cawtum sawm sarih, tuukawng za khat le tuufa za hnih an si; mah vialte hi Bawipa sin i khangh thawinak caah a si.

2 SIANGPAHRANG 16:14

Cun Bawipa hmai i a ummi dar biakṭheng kha inn hmailei, amah a biakṭheng le Bawipa inn karlak, khan a ṭhial i a biakṭheng chaklei kamah cun a chiah.

2 SIANGPAHRANG 3:20

A thaizing ah, raithawinak pekchanh caan ah khin, zohhmanh, ti cu Edom lei in a ra i ram cu ti in a khat dih.

1 SIANGPAHRANG 3:4

Cun siangpahrang cu raithawi awkah Gibeon ah a kal, zeicahtiah mah cucu an khuahrum bo ngan a si; Solomon nih khika biakṭheng cungah khan khangh thawinak thong khat a pekchanh tawn.

GENESIS 44:5

Zeicahdah ka ngun hrai nan fir? Hi hrai hi ka bawipa nih dinnak ah a hmanmi hrai a si i hmailei ah zeidah a tlung lai ti zohnak i a hmanmi a si. Nan tuahmi hi thil ṭhalo ngaingai a si!” na va ti lai,’ tiah a ti.

2 SIANGPAHRANG 16:16

Tlangbawi Urijah nih mah vialte hi Siangpahrang Ahaz nih nawl a pek bangin a tuah dih.

1 SIANGPAHRANG 7:23

Cun hmaihum pakhat a ser, a bial i khattelei tlang in khattelei tlang cu dong hra a si, a san cu dong nga a si i a velchum in tah tikah dong sawm thum a si.