2 SIANGPAHRANG 16:11 - Lai (Hakha) Common Language Bible 2006

¹¹ Cun tlangbawi Urijah nih biakṭheng kha a ser; Siangpahrang Ahaz nih Damaskas khua in a kuatning te khan, Siangpahrang Ahaz cu Damaskas khua in a ra phak hlanah, Urijah tlangbawi nih a rak ser dih.

2 SIANGPAHRANG 16:11 Խաչաձեւ Հղումներ

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

DANIEL 3:7

Cu bantukte cun, miphun zakip le holh phun zakip hna nih khan muko le tingtang tummi a phunphun thawng le hlasak thawng kha an theih cangka tein an bawk i Nebukhadnezzar nih a phunmi milem cu an biak.

EZEKIEL 22:26

A tlangbawi hna nih ka phunglam kha an hrawh i ka ca i a thiangmi thil kha an thurhhnawmh hna. A thiang le a thianglo kha an thleidang hna lo i a thiang le a thianglo an i dannak kha an cawnpiak hna lo. Ka sabbath hna kha zei ah an rel hna lo i kei cu an lakah hmaizahnak hmu loin ka um.

JEREMIAH 23:11

“Profet nih si hna seh, tlangbawi nih si hna seh, An phu hnih in Pathian kha zei ah an rel lo; Ṭhat lonak an tuahmi kha ka inn chung hmanh ah ka hmuh, tiah Bawipa nih a ti.

ISAIAH 8:2

Cun tehte caah zumhawktlakmi pahnih, tlangbawi Uriah le Jeberekhiah fapa Zekhariah kha i lak hna,” a ka ti.

2 SIANGPAHRANG 16:10

Ahaz siangpahrang cu Assiria siangpahrang Tiglath-pileser kha va ton awkah Damaskas khua i a kal tikah, Damaskas khua i a ummi biakṭheng kha a hmuh. Cun Ahaz Siangpahrang nih tlangbawi Urijah cu biakṭheng pungsan le a tuah ningcang le a cingcuai kha tling tein a kuat.

2 SIANGPAHRANG 16:12

Cun siangpahrang cu Damaskas khua in a ra phanh tikah, siangpahrang nih biakṭheng cu a zoh. Khi tikah siangpahrang nih biakṭheng cu a hei naih i a cungah a kai i,

2 SIANGPAHRANG 16:14

Cun Bawipa hmai i a ummi dar biakṭheng kha inn hmailei, amah a biakṭheng le Bawipa inn karlak, khan a ṭhial i a biakṭheng chaklei kamah cun a chiah.

2 SIANGPAHRANG 16:16

Tlangbawi Urijah nih mah vialte hi Siangpahrang Ahaz nih nawl a pek bangin a tuah dih.

2 SIANGPAHRANG 21:4

Bawipa nih, “Jerusalem khua ah ka min cu ka chiah lai,” tiin a rak tihnawh chanmi Bawipa inn chungah biakṭheng a ser hna.

2 SIANGPAHRANG 21:7

Bawipa nih David le a fapa Solomon sinah, “Hi inn chungah le Israel miphun vialte lakin ka thimmi Jerusalem khua chungah ka min ka chiah zungzal lai i ka mi Israel mi hna nih hin nawl ka pekmi vialte hna ning le Moses nih nawl a pekmi vialte hna ning in an tuah ahcun an pupa hna sinah ka rak pekmi ram chung hin an ke cu ka pialter lai lo,” tiah a timi inn chungah khan amah nih a serchommi Asherah siasal cu a chiah.

2 CHANRELNAK 33:4

Bawipa nih, “Jerusalem khua ah hin ka min cu zungzal in a um lai,” tiah a rak timi, Bawipa inn chungah khan biakṭheng a ser hna.