2 SIANGPAHRANG 15:30 - Lai (Hakha) Common Language Bible 2006

³⁰ Cun Elah fapa Hoshea nih Remaliah fapa Pekah cu a rawi i a tuk i a thah i Uzziah fapa Jotham a bawi kum kulnak ah khan, amah hmun ah cun bawi a cang.

2 SIANGPAHRANG 15:30 Խաչաձեւ Հղումներ

2 SIANGPAHRANG 17:1

Judah siangpahrang Ahaz a bawi kum hleihnihnak ah Elah fapa Hoshea nih Israel ram kha Samaria in pen hram a thawk i kum kua a uk.

HOSEA 10:15

Bethel khuami hna, nan tuahmi thil a ṭha lomi ruangah hihi nan cung i a tlung dingmi cu a si; Khua a dei hrimhrim lai bantukin Israel siangpahrang zong cu hloh a si hrimhrim ve lai.

HOSEA 10:7

Samaria le a siangpahrang cu ti cung i aa vuanmi thing pelpawi bantukin fenh an si;

HOSEA 10:3

Annih nih cun an i thawh lai i, “Bawipa kan ṭih lo caah siangpahrang kan ngei lo; Asinain siangpahrang nih cun zei tal a kan tuahpiak kho hnga maw? an ti lai.

ISAIAH 8:6

“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

2 CHANRELNAK 28:16

Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.

2 SIANGPAHRANG 16:1

Remaliah fapa Pekah a bawi kum hleisarihnak ah, Judah siangpahrang Jotham fapa Ahaz cu bawi hram aa thawk.

2 SIANGPAHRANG 15:25

Cun a ralbawi Pekah, Remaliah fapa nih khan Gilead mi sawm nga he amah cu an rawi i Samaria khua chungah khan, siangpahrang inn chung ralhruang chin chungah an thah; i amah hmun ah khan a bawi.

2 SIANGPAHRANG 15:10

Jabesh fapa Shallum nih a rawi i Ibleam ah a tuk i a thah i amah hmun ah cun bawi ah a cang.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 15:31

Pekah tuahsernak a tang rihmi le a tuahmi vialte cu zohhmanh, Israel Siangpahrang hna Chanrelnak Cauk chungah an i ṭial.

ISAIAH 7:16

Cu caan a phak hlanah, nangmah an hrocer lengmangmi siangpahrang pahnih hna ram kha chuahtak an si lai.