2 SIANGPAHRANG 15:29 - Lai (Hakha) Common Language Bible 2006

²⁹ Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 15:29 Խաչաձեւ Հղումներ

1 CHANRELNAK 5:26

Cucaah Israel Pathian nih khan Assiria siangpahrang Pul thinlung le Assiria siangpahrang Tilgath-pilne-ser thinlung kha a thawhter i amah nih cun Reuben mi hna le Gad mi hna le Manasseh phun cheu hna cu a kalpi hna i Halah, Habor, Hara, le Gozan tiva ah a phakpi hna, i nihin ni tiang hin an um ko.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

2 SIANGPAHRANG 16:7

Cucaah Ahaz nih Assiria siangpahrang Tiglath-pileser sinah khan lamkal a hei thlah hna i, “Keimah cu na sal le na fapa ka si. A ka tutu siangpahrang le Israel siangpahrang kut chung hin, hung law ra ka chanh tuah,” tiah a ti.

1 SIANGPAHRANG 15:20

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abel-beth-maakah le Khinneroth vialte kha, Naftali ram vialte he an tei dih.

JOSHUA 20:7

Cucaah Naftali tlangram i Galilee ram chungah Kedesh le, Efraim tlangram ah Shekhem le, Judah tlangram ah Kiriath-arba (cucu Hebron) cu an thim hna.

2 CHANRELNAK 16:4

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abelmaim le Naftali i thil chiahnak khua vialte kha an tei hna.

1 CHANRELNAK 5:6

cu fapa ah Beerah, Assiria siangpahrang Tilgath-pilne-ser nih sal ah a kalpimi kha; amah cu Reuben mi lakah an bawi bik a si.

BIACEIHTU 4:2

Cun Bawipa nih Kanaan siangpahrang Jabin, Hazor i siangpahrang a simi kut chungah khan a zuarh hna; a ralbawi cu Harosheth-Hagoiim i a ummi Sisera a si.

JOSHUA 19:37

Kedesh, Edrei, En-hazor,

JOSHUA 11:1

Cun hi kong cu Hazor siangpahrang Jabin nih a theih tikah, Madon siangpahrang Jobab le Shimron siangpahrang le Akhshaf siangpahrang le

AMOS 1:13

Hihi Bawipa bia an si: Ammon mi hna nih ṭhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

AMOS 1:3

Hihi Bawipa bia an si. Damaskas nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih Gilead kha thir ha bunhmi facang cilnak thingtum in an cil.

ISAIAH 7:20

“Cu caan a phak tikah, Bawipa nih Zufrates tiva ral i a ummi sam mettu pakhat kha a hlan lai i cu sam mettu nih cun nan khahmul le nan lu cung sam le nan takpum cung hmul vialte kha an meh dih hna lai — cu pa cu Assiria siangpahrang kha a si lai!

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

1 SIANGPAHRANG 9:11

Tair siangpahrang Hiram nih khan sidar thing, saipres thing le sui a duh zat in Solomon kha a pek. Cun Siangpahrang Solomon nih Galilee ram chung khua pakul kha a pek.

JOSHUA 16:6

cun ramri cu khika in rili ah a vung kal; chaklei ah ramri cu Mikmethath a si; cun nichuahlei ah ramri cu Taanath-shiloh lei ah aa kuai i a hei lonh i nichuahlei ah Janoah ah a kal,

JOSHUA 12:19

Madon siangpahrang, pakhat; Hazor siangpahrang, pakhat;

JOSHUA 11:13

Mual cung i a ummi khua hna tu cu, Joshua nih a khanghmi Hazor dah ti lo cu, Israel mi nih an khang hna lo.

JOSHUA 11:10

Cun khi caan ah Joshua cu a let i Hazor kha a lak, an siangpahrang cu vainam in a thah; zeitintiah Hazor cu hmasa ah cun cu peng vialte hna lu cu a si.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 3:15

Makhir cu Gilead kha ka pek i,

NAMBAR 32:40

Cun Moses nih Gilead cu Manasseh fapa Makhir kha a pek i cuka ah cun a um.

NAMBAR 32:1

Reuben fapa hna le Gad fapa hna cu saṭil tampi an ngei. Jazer ram le Gilead ram cu an hmuh i zohhmanh, cu hmun cu saṭil ram a si.

LEVITIKAS 26:32

Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.

1 SIANGPAHRANG 14:15

ti chungah phaikung aa hninh lengmang bantuk khin Bawipa nih Israel cu a tuk lai i annih nih an Asherim an i ser hnanak thawngin Bawipa kha a thin an hunter caah, an pupa hna sinah a pekmi hi ram ṭha chung hin Israel mi cu a phawi hna lai i Zufrates tiva ral ah khin a ṭhek hna lai.

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 SIANGPAHRANG 15:28

Amah nih Bawipa mithmuh i thil ṭhalo kha a tuah; Nebat fapa Jeroboam nih Israel mi a sualter hnanak a sualnak kha a kaltak hna lo.

2 SIANGPAHRANG 15:30

Cun Elah fapa Hoshea nih Remaliah fapa Pekah cu a rawi i a tuk i a thah i Uzziah fapa Jotham a bawi kum kulnak ah khan, amah hmun ah cun bawi a cang.

2 SIANGPAHRANG 16:10

Ahaz siangpahrang cu Assiria siangpahrang Tiglath-pileser kha va ton awkah Damaskas khua i a kal tikah, Damaskas khua i a ummi biakṭheng kha a hmuh. Cun Ahaz Siangpahrang nih tlangbawi Urijah cu biakṭheng pungsan le a tuah ningcang le a cingcuai kha tling tein a kuat.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

1 CHANRELNAK 5:22

Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

ISAIAH 37:18

Bawipa, kannih nih kan dihlak in, Assiria siangpahrang nih miphun tampi cu a hrawh hna i an ram kha an rawk dih cikcek i

JOSHUA 19:35

Kulhmi khua hna cu Ziddim, Zer, Hammath, Rakkath, Khinnereth,

BIACEIHTU 18:30

Cun Dan mi hna nih cun suaimi milem cu anmah caah an i phun. Cun Moses fapa Gershom i a fapa Jonathan le a fapa hna cu, ram kha sal i a taan ni tiang, Dan miphun caah tlangbawi an si.

2 SIANGPAHRANG 8:11

Cun dengteo in a ning a zah tiang ṭhep loin a zoh. Cun Pathian mi cu a ṭap.

2 SIANGPAHRANG 15:20

Menahem nih tangka cu Israel mi kha a kholh hna, Assiria siangpahrang pek awkah cun, an mirum vialte kha ngun shekel sawm nga cio a kholh hna. Cucaah Assiria siangpahrang cu aa let ṭhan i ram chungah khan a um lo.

2 SIANGPAHRANG 18:11

Assiria siangpahrang nih Israel mi cu Assiria ram ah a kalpi hna i Halah le Gozan ram tiva Habor ah le Media mi hna khua hna ah khan a chiah hna,

2 SIANGPAHRANG 19:11

Assiria siangpahrang nih hrawh awkah aa khinh cangmi ram hna cu zeitindah a tuah hna ti cu na hngalh ko. Ka luat hnga tiah naa ruat maw?

ISAIAH 7:16

Cu caan a phak hlanah, nangmah an hrocer lengmangmi siangpahrang pahnih hna ram kha chuahtak an si lai.

EZEKIEL 23:9

Cucaah a duhmi hna amah a duhtu Assiria mi hna sinah khan ka kaltak.

AMOS 5:27

Damaskas pinah sal i va taan awkah kan ṭhawl hna lai. Cuticun Bawipa nih a ti; a min cu Ralkapbu Pathian a si.

AMOS 6:14

Maw Israel, nangmah doh awkah miphun pakhat ka chuahter lio i Annih nih nan ram cu Lebo-hamath in Arabah horkuang tiang an hrawh dih lai. Hihi Bawipa, Ralkapbu Pathian bia hrimhrim a si.