2 SIANGPAHRANG 15:12 - Lai (Hakha) Common Language Bible 2006

¹² (Mah hihi Bawipa nih Jehu sinah biakamnak a pekmi cu a si, “Na fapa hna cu Israel bawi ṭhutdan cungah chan li tiang an ṭhu lai,” tiin. Cu bang cun a si taktak.)

2 SIANGPAHRANG 15:12 Խաչաձեւ Հղումներ

2 SIANGPAHRANG 10:30

Cun Bawipa nih Jehu cu, “Ka mithmuh ah a dikmi kha ṭha tein na tuah i ka lung chungah a umning dihlak in Ahab innchungkhar cungah na tuah caah, na fapa hna cu chan li tiangin Israel bawi ṭhutdan cungah an ṭhu lai,” tiah a ti.

LAMKALTU 1:16

“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh.

JOHAN 19:24

Ralkap nih cun, “Hi hi cu thlek hlah u sih, camcawhfung tu in zuk u sih,” tiah an i ti i cuticun Cathiang nih, “Ka hnipuan cu an i ṭhen i Ka angki caah camcawhfung an zuh,” tiah a timi kha a hung tling. Cuticun ralkap nih cun an tuah.

JOHAN 10:35

Pathian nih a bia a pekmi minung hna kha pathian ti an si ahcun — Cathiang cu a palh ti khawh a si lo va si kaw —

MARKA 13:31

Van le vawlei cu an rawk lai nain ka bia cu a rawk lai lo.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

2 SIANGPAHRANG 14:29

Cun Jeroboam cu Israel siangpahrang hna, a pupa hna sinah a it i a fapa Zekhariah cu amah hmun ah cun a hung bawi.

2 SIANGPAHRANG 13:13

Cuticun Jehoash cu a pupa hna sinah a it i a bawi ṭhutdan cungah khan Jeroboam a ṭhu; cun Jehoash cu Samaria khua ah Israel siangpahrang hna sinah khan an vui.

2 SIANGPAHRANG 13:10

Judah siangpahrang Joash a bawi kum sawm thum le kum sarihnak ah Jehoahaz fapa Jehoash cu Israel kha Samaria khua in pen hram aa thawk i kum hleiruk a pen hna.

2 SIANGPAHRANG 13:1

Judah siangpahrang Ahaziah fapa Joash a bawi kum kul le kum thumnak ah Jehu fapa Jehoahaz nih Israel ram cu Samaria in pen hram aa thawk i kum hleisarih a pen.

2 SIANGPAHRANG 10:10

Cucaah Bawipa nih Ahab innchungkhar kong ah a chimmi, Bawipa bia cu, sawhsawh in pakhat hmanh vawlei ah a tla lai lo, ti kha hngal tuah u; zeitintiah Bawipa nih a sal Elijah in a chimmi kha a tuah cang,” tiah a ti.

2 SIANGPAHRANG 15:11

Cun Zekhariah tuahsernak a tang rihmi cu, zohhmanh, Israel Siangpahrang hna Chanrelnak Cauk chungah an i ṭial.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.