2 SIANGPAHRANG 14:27 - Lai (Hakha) Common Language Bible 2006

²⁷ Sihmanhsehlaw Bawipa nih Israel min cu vanrang toi hin ka hloh lai, a ti lo, cucaah Joash fapa Jeroboam kut in a khamh hna.

2 SIANGPAHRANG 14:27 Խաչաձեւ Հղումներ

2 SIANGPAHRANG 13:23

Sihmanhsehlaw Bawipa cu an cungah vel a ngei i a zaangfah hna i Abraham, Isak le Jakob sin i a biakamnak ruangah khan anmah leiah aa mer i a hrawk hna lo; a hmaika zongin atu tiangin a hlonh hna lo.

2 SIANGPAHRANG 13:5

(Cucaah Bawipa nih Israel mi cu khamhtu a pek hna i Siria mi hna kut chung khan an luat i hlanlio bantuk khan Israel mi cu an inn ah khua an sa.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

2 SIANGPAHRANG 5:1

Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.

DEUTERONOMI 25:19

Cucaah nan velchum i a ummi nan ral hna lakin Bawipa nan Pathian nih ro ca i co awkah an pekmi hna ram chungah, Bawipa nan Pathian nih dinhnak an pek hna tikah, vanrang toi in Amalek hngalh camcinnak cu nan hloh awk a si lai; va philh hlah u.

DEUTERONOMI 9:14

ka dawn hlah, annih cu hrawk hna ning law, an min cu vanrang tang dihlak in hlo ko hna ning; cun annih nakin a ṭhawng deuh le a ngan deuhmi miphun ah nangmah cu in ser ko ning,’ tiah a ti.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.