2 SIANGPAHRANG 14:16 - Lai (Hakha) Common Language Bible 2006

¹⁶ Cun Jehoash cu a pupa hna sinah a it i Israel siangpahrang hna sinah khan Samaria khua ah an vui; cun a fapa Jeroboam cu amah hmun ah khan bawi a hung cang.

2 SIANGPAHRANG 14:16 Խաչաձեւ Հղումներ

AMOS 1:1

Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

HOSEA 1:1

Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami:

2 SIANGPAHRANG 13:13

Cuticun Jehoash cu a pupa hna sinah a it i a bawi ṭhutdan cungah khan Jeroboam a ṭhu; cun Jehoash cu Samaria khua ah Israel siangpahrang hna sinah khan an vui.

2 SIANGPAHRANG 13:9

Cuticun Jehoahaz cu a pupa hna sinah a it i Samaria khua ah an vui; cun a fapa Jehoash cu amah hmun ah khan a hung bawi.

1 SIANGPAHRANG 1:21

Cu ti a si lo ahcun, siangpahrang ka bawipa hi a pupa hna sinah a ih tikah, keimah le ka fapa Solomon cu sualnak tuahtu ah rel kan vung si te ko lai,” tiah a ti.

2 SAMUEL 7:12

Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

2 SIANGPAHRANG 14:15

Jehoash tuahsernak a tang rihmi le a ṭhawnnak le zeitindah Judah siangpahrang Amaziah he an i tuknak kha, Israel Siangpahrang hna Chanrelnak Cauk chungah an i ṭial lo mei?

2 SIANGPAHRANG 14:17

Judah siangpahrang Joash fapa Amaziah cu, Israel siangpahrang Jehoahaz fapa Jehoash thih hnuah kum hleinga a nung.

1 CHANRELNAK 5:17

Hi hna vialte hi Judah siangpahrang Jotham le Israel siangpahrang Jeroboam chan ah khan an chuahkehnak ning in cazin khumh an si.

2 SIANGPAHRANG 13:12

Jehoash tuahsernak a taang rihmi le a tuahmi vialte le Judah siangpahrang Amaziah a doh i a ṭhawnnak vialte kha, Israel Siangpahrang hna Chanrelnak Cauk chungah an i ṭial lo mei?

2 SIANGPAHRANG 14:23

Judah siangpahrang Joash i a fapa Amaziah a bawi kum hleinganak ah, Israel siangpahrang Jehoash i fapa Jeroboam cu Samaria khua ah bawi hram a thawk i kum sawm li le kum khat a pen hna.

2 SIANGPAHRANG 14:28

Jeroboam tuahsernak a tang rihmi le a tuahmi vialte le a ṭhawnnak, zeitindah ral a doh i Israel caah Judah ta a rak simi Damaskas le Hamath a lak ṭhannak hna kha, Israel Siangpahrang hna Chanrelnak Cauk chungah an i ṭial lo mei?