2 SIANGPAHRANG 14:13 - Lai (Hakha) Common Language Bible 2006

¹³ Cun Beth-shemesh ah cun Israel siangpahrang Jehoash nih khan Judah siangpahrang Amaziah cu a tlaih, amah cu Joash fapa a si, Joash cu Ahaziah fapa a si. Cun Jerusalem ah a ra i ralhau kha Efraim Kutka in Kulhnak Kil Kutka tiang dong zali a chimh.

2 SIANGPAHRANG 14:13 Խաչաձեւ Հղումներ

NEHEMIAH 8:16

Cucaah mi cu an va kal i an va lak hna i an inncung ah siseh, an tual ah siseh, Pathian inn tual ah siseh, Ti Kutka tual ah siseh, Efraim Kutka tual ah siseh, deu kha an i sak cio.

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.

JEREMIAH 31:38

“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio.

NEHEMIAH 12:39

Changreu Rawhnak Innsang kha kan lonh i Vampang Kau kha kan phan, Efraim Kutka kha kan lonh i Jeshanah Kutka le Nga Kutka chak khan kan kal i Hananel Innsang le Za Innsang pawng khan Tuu Kutka tiang kan kal; cun Cawngtu hna Kutka ah khan an dir.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

2 CHANRELNAK 36:6

Babilon siangpahrang Nebukhadnezzar nih khan a hung doh i hreng a khenh i Babilon ah a kalpi.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

2 SIANGPAHRANG 25:6

Cun siangpahrang cu an tlaih i Riblah khua ah Babilon siangpahrang sinah khan an ratpi i a cungah khan bia a rak khiah.

2 SIANGPAHRANG 25:10

Cun ralveng haotu sinah a ummi Khaldi ralkap vialte nih khan Jerusalem velchum i a ummi kulhnak vampang cu an chimh.