2 SIANGPAHRANG 14:10 - Lai (Hakha) Common Language Bible 2006

¹⁰ Edom cu na tei taktak ko i na hnar a puar hi ta. Sunparnak na hmuhmi cu i za ko law inn ah um ko; zeicahtiah zeicahdah nangmah tluknak dingah le nangmah sinah Judah zong tlukter dingin hnahnawhnak kha na chuahter lai?” a ti.

2 SIANGPAHRANG 14:10 Խաչաձեւ Հղումներ

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

2 CHANRELNAK 32:25

Sihmanhsehlaw Hezekiah cu a lung in aa porhlawt caah a cung i ṭhathnemnak a tuahmi caah khan aa lawm lo. Cucaah amah le Judah le Jerusalem cungah thinhunnak a tlung.

PHUNGTHLÛKBIA 20:3

Mihrut aho paoh nih siknak kha a thawhter khawh, sihmanhsehlaw siknak hrial cu upat awk tlak thil a si.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

PHUNGTHLÛKBIA 15:18

Thintawi nih siknak a chuahter, sihmanhsehlaw lungsaunak nih rem lonak a damter.

PHUNGTHLÛKBIA 3:30

Na cungah ṭhat lonak zeihmanh a tuah lo ahcun, zei ruang lo ah aho he hmanh vaa si len hlah.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

JEIM 1:9

Zumtu sifak cu Pathian nih ṭhanchonak a pek tikah i lawm seh law

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

EZEKIEL 38:17

Hihi Bawipa Pathian bia a si. Hlan lioah ka profet hna kaa in bia ka chim tikah, Israel mi doh awkah ka kalpi lai, ka rak timi cu nangmah hi na si.

EZEKIEL 38:5

cun anmah he cun Persia le Kush le Put mi hna phaw le luchin a ngei ciomi hna zong.

EZEKIEL 38:2

A ka thawh i, “Mipa, Magog ram i a ummi Rosh, Meshek le Tubal hna siangpahrang Gog cu hei merhnawh law a cungah hi bantukin bia chim tuah.

PHUNGTHLÛKBIA 26:17

Aa thlak ve awk a si lomi siknak ah aa thlakmi cu a kal liomi uico a hnakhaw in a tlaimi bantuk a si.

PHUNGTHLÛKBIA 25:8

Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

2 CHANRELNAK 35:21

Sihmanhsehlaw a sinah lamkaltu a hei thlah hna i, “Judah siangpahrang, nangmah le keimah cu zeidah kan i ti awk a um? Nihin ah hin nangmah doh awkah ka ra lo, sihmanhsehlaw atu i a ka raltu innchungkhar he doh awkah ka ra; cun Pathian nih i khulranh tuah tiin nawl a ka pek. Ka sin i a ummi Pathian doh cu ngol tuah, zeicahtiah an hrawh sual lai,’ tiah a ti.

2 SIANGPAHRANG 14:7

Cite Nelrawn ah Edom mi thong hra a thah hna i Sela cu hlauhsaphak in a lak, cun Jokthe-el tiah min a sak i cu cu nihin tiang hin a min a si lan.

EXODUS 8:9

Moses nih Faro cu, “Utlak nih cun nanmah le nan inn hna kha an in kaltak hna i tiva chung lawngah an um nakhnga, zeitik ah dah nangmah ca le na bawi pawl hna ca le na mi hna caah cun thla cu ka cam lai, ka chim tuah,” a ti.

HABAKKUK 2:5

Rumnak hi hlen a hmang, mihakkau hi an i porhlaw i dai zirziar in an um kho lo. Thihnak bantuk an si — khim ti an ngei lo. Cucaah cun ram khat hnu ram khat an tuk hna i an tei hna i an mi kha an sinah an pumh hna.

BIACEIHTU 9:52

Cun Abimelek cu innsang ah cun a ra i a tuk i innsang innka kha mei in duah awkah a hei naih.

EZEKIEL 28:5

Chawlehnak i na fimnak thawngin chawva cu naa pon tengtung ko hna i, Na rumnak rup cun na ruamkainak cu a ṭhang.

DANIEL 11:12

Cuticun ral a teinak cu aa porhlaw lai i ralkap tampi a thahmi hna ruangah cun tluang a khawng lai, sihmanhsehlaw teitu a si zungzal ve lai lo.