2 SIANGPAHRANG 13:25 - Lai (Hakha) Common Language Bible 2006

²⁵ Cun Jehoahaz fapa Jehoash nih khan Hazael fapa Benhadad sin khan, a pa Jehoahaz sinin Hazael nih ral lio i a rak lakmi khua kha a lak ṭhan hna. Jehoash nih amah cu voi thum a tei i Israel khua kha a lak ṭhan hna.

2 SIANGPAHRANG 13:25 Խաչաձեւ Հղումներ

2 SIANGPAHRANG 10:32

Khi caan ah khan Bawipa nih Israel ram a cheu kha thianh hram a thawk. Hazael nih Israel ram chungah a tei thluahmah hna:

2 SIANGPAHRANG 14:25

Amah nih Israel ramri cu Hamath khua luhnak khan Arabah Rili tiang a siter ṭhan; mah cucu Bawipa, Israel Pathian nih a sal profet Jonah sinin a rak chimmi ning khan a si; Jonah cu Gath-hefer khuami Amittai fapa a si.

2 SIANGPAHRANG 10:33

Jordan in nichuahlei ah, Gilead ram vialte, Gad mi hna le Reuben mi hna le Manasseh mi hna ram, Arnon nelrawn pawng i a ummi Aroer thawk in, Gilead le Bashan tiang.

2 SIANGPAHRANG 13:3

Cun Bawipa thinhunnak cu Israel cungah a alh i Siria siangpahrang Hazael le Hazael fapa Benhadad hna kut chungah khan annih cu a pek lengmang hna.

2 SIANGPAHRANG 13:5

(Cucaah Bawipa nih Israel mi cu khamhtu a pek hna i Siria mi hna kut chung khan an luat i hlanlio bantuk khan Israel mi cu an inn ah khua an sa.

2 SIANGPAHRANG 13:24

Siria siangpahrang Hazael cu a thih tikah a fapa Benhadad cu amah hmun ah khan siangpahrang ah a cang.

1 SIANGPAHRANG 20:29

Cun annih cu ral enh veve in ni sarih chung veve an riak. Cun a ni sarihnak ni ah cun an i tawng i Israel mi nih Siria mi hna cu ni khat ah ke ralkap sing khat an thah hna.