2 SIANGPAHRANG 13:19 - Lai (Hakha) Common Language Bible 2006

¹⁹ Cun Pathian mi cu a cungah a thin a hung i, “Voi nga, voi ruk in pei na tuk awk a si cu, cu ti na tuah ahcun Siria mi cu an dongh cikcek hlantiang na tei hna hnga, sihmanhsehlaw atu cu Siria mi kha voi thum tiang lawng na tei hna lai,” tiah a ti.

2 SIANGPAHRANG 13:19 Խաչաձեւ Հղումներ

2 SIANGPAHRANG 13:25

Cun Jehoahaz fapa Jehoash nih khan Hazael fapa Benhadad sin khan, a pa Jehoahaz sinin Hazael nih ral lio i a rak lakmi khua kha a lak ṭhan hna. Jehoash nih amah cu voi thum a tei i Israel khua kha a lak ṭhan hna.

MARKA 10:14

Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

MARKA 6:5

Khika ah khan khuaruahhar zeihmanh a tuah kho lo, a zawmi tlawmte lawng an cungah a kut a chuan i a damter hna.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

2 SIANGPAHRANG 6:9

Sihmanhsehlaw Pathian mi nih Israel siangpahrang cu bia a cah i, “Hi hmun hi pal loin i ralring u, zeitintiah Siria mi cu khika ah khin an vung kal lai,” tiah a ti.

2 SIANGPAHRANG 4:40

Cun ei awkah mi cu an suah hna. Sihmanhsehlaw tihang cu an ei lioah khan an ai i, “Maw Pathian mi, hi um chungah hin thihnak a um!” an ti. Cun annih nih an ei kho ti lo.

2 SIANGPAHRANG 4:16

Cun anih nih, “Atu tikah hin, a caan a phak tikah, fapa na pom lai,” tiah a ti. Cun anih nih, “Maw Pathian mi, bawipa, na salnu hi ka hleng hlah hen,” tiah a ti.

NAMBAR 16:15

Cun Moses cu a thin a hung ngai-ngai i Bawipa sinah, “An pekchanhnak cu hmaizah hlah. Annih sinin laa pakhat hmanh ka la lo i annih kha pakhat hmanh ka fahter hna lo,” tiah a ti.

LEVITIKAS 10:16

Cun Moses nih sual thawinak meheh kong kha fel tein a hlat i zohhmanh, an rak khangh diam cang ai! Cun Aaron fapa a taangmi hna Eleazar le Ithamar cungah a thin a hung i,

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

2 SIANGPAHRANG 13:18

Cun a thawh i, “Cantiang kha la hna,” tiah a ti i a lak hna. Cun Israel siangpahrang cu, “Cantiang cun vawlei kha tu hna,” tiah a ti i voi thum a tuk i a ngol.

JEREMIAH 48:10

Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!