2 SIANGPAHRANG 13:12 - Lai (Hakha) Common Language Bible 2006

¹² Jehoash tuahsernak a taang rihmi le a tuahmi vialte le Judah siangpahrang Amaziah a doh i a ṭhawnnak vialte kha, Israel Siangpahrang hna Chanrelnak Cauk chungah an i ṭial lo mei?

2 SIANGPAHRANG 13:12 Խաչաձեւ Հղումներ

2 SIANGPAHRANG 14:25

Amah nih Israel ramri cu Hamath khua luhnak khan Arabah Rili tiang a siter ṭhan; mah cucu Bawipa, Israel Pathian nih a sal profet Jonah sinin a rak chimmi ning khan a si; Jonah cu Gath-hefer khuami Amittai fapa a si.

2 SIANGPAHRANG 13:11

Amah zong nih Bawipa mithmuh i thil ṭhalo kha a tuah ve; Nebat fapa Jeroboam nih Israel mi a sualternak hna a sualnak vialte kha a kaltak hna lo, sihmanhsehlaw a zulh lehlam hna.

2 SIANGPAHRANG 13:13

Cuticun Jehoash cu a pupa hna sinah a it i a bawi ṭhutdan cungah khan Jeroboam a ṭhu; cun Jehoash cu Samaria khua ah Israel siangpahrang hna sinah khan an vui.

1 SIANGPAHRANG 14:19

Jeroboam tuahsernak a tang rihmi, zeitindah ral a tuk ti tehna, zeitindah a pen ti tehna cu, zohhmanh, Israel Siangpahrang hna Chanrelnak Cauk chungah an i ṭial.

2 SIANGPAHRANG 1:18

Ahaziah nih a tuahsernak a tang rihmi hna cu, Israel Siangpahrang hna Chanrelnak Cauk chungah an i ṭial lo mei?