2 SIANGPAHRANG 12:21 - Lai (Hakha) Common Language Bible 2006

²¹ Amah kha a tu i a thattu hna cu a sinum Shimeath fapa Jozakar le Shomer fapa Jehozabad an si. David khua chungah a pupa hna sinah an vui i a fapa Amaziah cu amah hmun ah khan bawi a cang.

2 SIANGPAHRANG 12:21 Խաչաձեւ Հղումներ

2 SIANGPAHRANG 14:1

Israel siangpahrang Joahaz fapa Jehoash a bawi kum hnihnak ah, Judah siangpahrang Joash fapa Amaziah cu pen hram aa thawk.

2 SIANGPAHRANG 13:1

Judah siangpahrang Ahaziah fapa Joash a bawi kum kul le kum thumnak ah Jehu fapa Jehoahaz nih Israel ram cu Samaria in pen hram aa thawk i kum hleisarih a pen.

2 CHANRELNAK 24:25

Annih nih an tluntak tikah, hma fak ngaingai a ing in an kaltak, tlangbawi Jehoiada fapa thisen ruangah khan a sinum hna nih an rawi i a ihkhun cungah an thah. Cucaah a thi i David khua chungah an vui, sihmanhsehlaw siangpahrang hna thlan ah khan cun an vui lo.

2 SAMUEL 5:9

Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.

1 SIANGPAHRANG 15:27

Issakhar chungkhar mi Ahijah i fapa Baasha nih amah cu a rawi i Filistin mi ta a simi Gibbethon khua ah khan Baasha nih cun a thah; Nadab le Israel mi vialte nih Gibbethon cu an dum lio a rak si.

2 SIANGPAHRANG 9:14

Cuticun Nimshi fapa Jehoshafat i fapa Jehu nih cun Joram cu a rawi. (Cu lioah cun Joram cu Israel mi vialte he Siria siangpahrang Hazael kha doh awkah Ramoth-gilead ah an um;

2 SIANGPAHRANG 9:27

Mah hihi Judah siangpahrang Ahaziah nih a hmuh tikah Beth-haggan lei ah a zam. Cun Jehu nih a dawi i, “Amah zong khi kap u,” tiah a ti i Ibleam pawng Gur i hung kainak cho ah khan a rangleng chungah an kah. Cun Megiddo ah a zam i khika ah a thi.

2 SIANGPAHRANG 10:9

Cun a thaizing i a va chuah i a dir tikah, mi vialte sinah cun, “Nannih cu sualnak nan ngei lo. Ka bawipa a rawi i a thattu cu keimah ka si sihmanhsehlaw mah vialte hi aho nih dah an thah hna?

2 SIANGPAHRANG 14:5

Cun siangpahrang nawlngeihnak kha a kut chungah fek tein a um cangka, a sinum hna, a pa siangpahrang a rak thattu kha a thah hna.

2 SIANGPAHRANG 14:19

Cun amah rawinak ding kha Jerusalem ah an tuah i Lakhish ah a zam. Sihmanhsehlaw Lakhish ah cun mi an hei dawiter hna i khika ah khan an thah.

2 SIANGPAHRANG 15:10

Jabesh fapa Shallum nih a rawi i Ibleam ah a tuk i a thah i amah hmun ah cun bawi ah a cang.