2 SIANGPAHRANG 11:4 - Lai (Hakha) Common Language Bible 2006

⁴ Sihmanhsehlaw a kum sarihnak ah tlangbawi Jehoiada nih khan Karet mi haotu le ralvengtu hna haotu hna kha a cah hna i amah sinah Bawipa inn ah khan a ratter hna; cun annih he biakamnak a ser i Bawipa inn chungah cun chiat a serter hna i annih cu siangpahrang fapa kha a hmuhsak hna.

2 SIANGPAHRANG 11:4 Խաչաձեւ Հղումներ

2 SIANGPAHRANG 11:19

Cun ralkapbu haotu hna le Karet mi hna le, ralvengtu hna le, rammi vialte kha a kalpi hna i siangpahrang cu Bawipa inn khan an runpi i ralvengtu hna kutka in siangpahrang inn ah an kalpi. Cun siangpahrang hna bawi ṭhutdan cungah khan a ṭhu.

2 SIANGPAHRANG 11:9

Tlangbawi Jehoiada nih nawl a pek hna ningte khan ralkapbu haotu nih cun an tuah i sabbath ah rian a lawng hnga ding an mi hna cu sabbath i rian a ngei ding an mi hna he khan an ratpi hna i tlangbawi Jehoiada sinah khan an ra.

2 CHANRELNAK 15:12

Cun annih nih Bawipa, an pupa hna Pathian kha an lung dihlak le an nunnak dihlak in kawl awkah biakamnak chungah an lut;

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

LAMKALTU 5:26

Cucaah biakinn cawngtu hna bawi cu a mi hna he khan an va kal i lamkaltu cu an ratpi ṭhan hna. Annih nih mizapi nih lung in an kan cheh sual lai ti kha an phan caah thazang cu an hmang ngam lo.

LAMKALTU 5:24

Cu thawng cu biakinn cawngtu bawi le tlangbawi upa hna nih khan an theih tikah, lamkaltu hna cungah cun zei ko dah a tlung hnga, tiah an khuaruah a har.

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

NEHEMIAH 9:38

Hi thil vialte hna ruangah hin a fekmi biakamnak kha caṭial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.

NEHEMIAH 5:12

Cun annih nih, “Mah hihi kan khirh hna lai i an sinin zeihmanh kan la ti lai lo. Na chim bangin kan tuah lai,” an ti. Cun tlangbawi hna kha ka auh hna i an chim bangin tuah awkah chiat ka serter hna.

2 CHANRELNAK 29:10

Ṭih a nungmi thinhunnak cu kan sinin aa mer nakhnga, Bawipa, Israel Pathian sin i biakamnak ser cu atu cu ka lung i a ummi a si.

1 CHANRELNAK 9:13

mah hna hi an rualchan an pale chungkhar hna i an lu hna lengah, thong khat za sarih le sawm ruk an si, Pathian inn rian ca i mi ṭhawng ngaingai an si.

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

1 SIANGPAHRANG 18:10

Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

1 SAMUEL 23:18

Cun an pahnih in Bawipa hmaiah biakamnak an ser; David cu Horesh ah khan a rung um i Jonathan cu inn ah a tlung.

1 SAMUEL 18:3

Khi tikah Jonathan nih David sinah khan biakamnak a ser, zeitintiah amah nunnak bantukin a dawt.

JOSHUA 24:25

Cucaah Joshua nih khi ni ah mizapi hna he cun biakamnak a tuah i annih caah Shekhem ah nawlbia le phunglam kha a serpiak hna.

GENESIS 50:25

Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna.

2 SAMUEL 20:23

Joab cu Israel ralkap vialte haotu a si; Jehoiada fapa Benaiah cu Khereth mi le Peleth mi haotu a si;

2 SIANGPAHRANG 11:3

cun anih cu amah sinah khan, Athaliah nih ram a uk chung kum ruk chung cu Bawipa inn chungah khan aa thup.

2 SAMUEL 8:18

cun Jehoiada fapa Benaiah cu Khereth mi hna le Peleth mi hna cung i haotu a si i David fapa hna cu tlangbawi an si.

1 SIANGPAHRANG 14:27

Siangpahrang Rehoboam nih anmah can ah cun dar phaw a ser hna i siangpahrang inn innka a cawngtu ralkap bawi hna kut chungah khan a chiah hna.

2 SIANGPAHRANG 12:7

Cucaah Joash Siangpahrang nih tlangbawi Jehoiada le tlangbawi dang kha a kawh hna i, “Zeicahdah inn kha nan remh hlei lo? Cucaah atu cu nan hawikom sinin tangka la ti hlah u, sihmanhsehlaw inn remhnak ah khan pe u,” tiah a ti hna.