2 SIANGPAHRANG 11:1 - Lai (Hakha) Common Language Bible 2006

¹ Ahaziah nu Athaliah nih a fapa a thih kha a hngalh tikah, a tho i siangpahrang innchungkhar vialte kha a thah hna.

2 SIANGPAHRANG 11:1 Խաչաձեւ Հղումներ

JEREMIAH 41:1

Thla sarihnak thla ah, siangpahrang chung a simi Ishmael cu (Ishmael cu Nethaniah fapa a si, Nethaniah cu Elishama fapa a si) Mizpah khua ah Ahikam fapa Gedaliah sinah mi pahra he an ra. Cun khika i rawl an ei lioah,

2 SIANGPAHRANG 25:25

Sihmanhsehlaw thla sarihnak thla ah khan Elishama fapa Nethaniah i fapa Ishmael, siangpahrang chungkhar chungmi a simi kha, mi pahra he an ra i an tuk hna i Gedaliah le Mizpah ah a sin i a ummi Judah mi le Khaldi mi hna kha an thah hna.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

2 CHANRELNAK 24:7

Zeicahdah tiah kha misual nu Athaliah fapa hna nih khan Bawipa inn kha an bauh i Bawipa inn chung i pekchanhmi thil vialte zong kha Baal caah an hman dih.

2 SIANGPAHRANG 9:27

Mah hihi Judah siangpahrang Ahaziah nih a hmuh tikah Beth-haggan lei ah a zam. Cun Jehu nih a dawi i, “Amah zong khi kap u,” tiah a ti i Ibleam pawng Gur i hung kainak cho ah khan a rangleng chungah an kah. Cun Megiddo ah a zam i khika ah a thi.

2 SIANGPAHRANG 8:26

Pen hram aa thawk ah Ahaziah cu kum kul le kum hnih a si i Jerusalem khua in kum khat a uk. A nu min cu Athaliah a si; amah cu Israel siangpahrang Omri tu a si.

MATTHAI 2:13

Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti.

BIACEIHTU 9:5

Cun Ofrah khua i a pa inn ah khan a va kal i Jerubbaal fapale hna, a unau hna cu, minung sawm sarih, lung pakhat cungah a va thah hna; sihmanhsehlaw Jotham, Jerubbaal fapa a hniang bik tu cu aa thuh caah a tang.

1 SIANGPAHRANG 2:44

Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

2 SIANGPAHRANG 10:7

Cun ca cu an sin a phak tikah, siangpahrang fapa cu an lak hna i an thah hna, mi sawm sarih hna cu; cun an lu cu bawm ah an khumh hna i Jezreel ah cun amah sinah cun an hun kuat hna.

2 SIANGPAHRANG 10:36

Jehu nih Israel mi Samaria in a pen hna chung cu kum kul le kum riat a si.

GENESIS 9:5

Pakhatkhat nih an in thah hna ahcun, thihnak in dan ka tat hna lai. Nanmah an thattu hna saram cu ka thah hna lai i ahohmanh a minung hawi a thatmi cu dan ka tat hna lai.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

1 SIANGPAHRANG 1:12

Cucaah ra law ruahnak kan cheu tuah lai, nangmah na nunnak le na fapa Solomon nunnak kha na khamh khawh nakhnga.

2 SIANGPAHRANG 12:1

Jehu a bawi kum sarihnak ah Joash cu bawi hram aa thawk i Jerusalem in kum sawm li a uk. A nu min cu Zibiah a si, Beersheba khuami a si.