2 SIANGPAHRANG 10:21 - Lai (Hakha) Common Language Bible 2006

²¹ Cun Jehu nih Israel ram chung dihlak ah bia a cah hna i Baal a biami vialte cu an ra dih, pakhat hmanh a ra lomi an um lo. Cun Baal inn chungah khan an lut i Baal inn cu khattelei kam in khattelei kam tiang an khat dih.

2 SIANGPAHRANG 10:21 Խաչաձեւ Հղումներ

1 SIANGPAHRANG 16:32

Samaria khua chungah a sakmi Baal inn chungah khan Baal caah biakṭheng pakhat a ser.

BIAPHUAN 16:16

Cun thlarau hna nih khan siangpahrang cu hmunkhat ah an pumh hna i cu hmun cu Hebru holh in Armageddon ti a si.

JOEL 3:2

Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

2 SIANGPAHRANG 11:18

Cun rammi vialte cu Baal inn ah khan an va kal i an ṭheh i a biakṭheng hna le a siasal hna cu an den cikcek hna i biakṭheng hna hmaiah cun Baal tlangbawi Mattan kha an thah. Cun tlangbawi nih khan Bawipa inn vengtu kha a chiah hna.

BIACEIHTU 16:27

Inn cu pa he nu he an khat; Filistin bawi vialte hna cu khika ah an um, cun inncung ah cun Samson nih nunnuam a tuah lioah a zohtu nu le pa thong thum tluk an um.

2 SIANGPAHRANG 10:22

Cun hnipuan chiahnak a zohkhenhtu sinah khan, “Thilpuan kha Baal biatu vialte hna caah hin rak chuah hna,” tiah a ti. Cucaah thilpuan cu a chuahpiak hna.