2 SIANGPAHRANG 10:19 - Lai (Hakha) Common Language Bible 2006

¹⁹ Cucaah Baal profet vialte le a biatu vialte le a tlangbawi vialte hna kha ka sinah ko hna u; pakhat hmanh bau hna hlah seh, zeitintiah Baal sin i pekchanh awk raithawinak nganpi pakhat ka ngei; a baumi paoh cu an nung lai lo,” tiah a ti. Sihmanhsehlaw Jehu nih hlennak in a tuahmi a si, Baal a biami hna hrawhnak caah khan.

2 SIANGPAHRANG 10:19 Խաչաձեւ Հղումներ

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

1 SIANGPAHRANG 18:19

Cucaah mi thlah hna law Israel mi vialte le Baal profet za li le sawm nga hna kha le Asherah profet za li Jezebel cabuai i rawl a eimi hna kha Karmel Tlang ah pum hna,” tiah a ti.

1THESALON 2:3

Kan in chimhmi hna cu ahmaan lomi thil a si lo, tinhmi a thurmi he zong a si lo, cun ahohmanh hlen zong kan in tim hna lo.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

PHUNGTHLÛKBIA 29:5

A innpa a fakmi cu a ke caah sur rap a chiahpiak a si.

JOB 13:7

Zeicahdah lih nan chim? Nan lih chimmi nih cun Pathian cu a bawmh lai tiah nan ruah maw?

2 SIANGPAHRANG 10:18

Khi tikah Jehu nih mi vialte kha a pumh hna i annih cu, “Ahab nih Baal cu tlawmte lawng a rian a ṭuan; sihmanhsehlaw Jehu nih cun tampi in a ṭuan lai.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.