2 SIANGPAHRANG 10:15 - Lai (Hakha) Common Language Bible 2006

¹⁵ Cun khika in a kal tikah, Rekhab fapa Jehonadab kha amah ton awkah a ra; daihnak a pek i, “Na cung i ka lung zumhawktlak a si bantuk hin nang tah ka cungah na si ve maw?” tiah a ti. Cun Jehonadab nih, “Asi,” tiah a leh. Jehu nih, “A si ahcun, na kut ka chan tuah,” tiah a ti. Cucaah a kut kha a chanh. Cun Jehu nih amah sinah rangleng chungah khan a vun hnuh.

2 SIANGPAHRANG 10:15 Խաչաձեւ Հղումներ

EZEKIEL 17:18

A chiatsermi le a biakammi kha a let ṭhan hna. Hi thil vialte cu a tuah hna, atu cu an luat ti lai lo.

EZRA 10:19

An nupile cu hlawt awk kha bia an i kam i an phungbuar thawinak cu tuurun chungin tuukawng pakhat, an mawhnak caah cun a si.

1 CHANRELNAK 2:55

(A tanglei innchungkhar hna hi caṭial le caṭialchin a thiam ngaingaimi an si i Jabez khua ah a ummi an si: Tirath mi, Shimeath mi le Sukath mi an si. Annih hi Ken mi, Rekhab mi he aa ṭhi-ummi kha an si. Rekhab mi hna pa cu Hammath a si.)

GALATI 4:12

Ka u le ka nau hna, keimah bantuk kha si u, tiah kan nawl hna. Kei zong nanmah bantuk pei ka si ve cu. Ka cungah ṭhat lonak nan tuahmi zeihmanh a um lo.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

LAMKALTU 8:31

Cu bawi nih cun a thawh i, “Aho tal nih a sullam chimh lo cun zeitindah ka hngalh khawh hnga,” tiah a ti. Cun Filip kha rangleng cungah hin hung kai law ka sinah ṭhu tuah, tiah a sawm.

2 SIANGPAHRANG 10:13

Judah siangpahrang Ahaziah rualchan kha Jehu nih a ton hna i, “Ahodah nan si?” tiah a ti. Annih nih, “Kannih cu Ahaziah rualchan kan si i siangpahrang fapa hna kha le siangpahrang bawinu a nu fapa hna kha va tlawn awkah kan rung,” tiah a ti.

2 SIANGPAHRANG 9:21

Joram nih, “I tim u,” tiah a ti. Cun a rangleng kha an timh. Cun Israel siangpahrang Joram le Judah siangpahrang Ahaziah kha an rangleng veve in an i thawh i Jehu ton awkah khan an kal i Jezreel khuami Naboth dum ah khan an ton.

GENESIS 47:10

Jakob nih cun Faro cu thluachuah a pek tak i a kal.

GENESIS 47:7

Cun Josef nih a pa Jakob kha a ratpi i Faro hmaiah khan a chuahpi. Jakob nih Faro kha thluachuahnak a pek.

GENESIS 31:55

A thaizing cu zingka tein Laban nih khan a tu tete hna le a fanu hna cu dam tein vaa kal cang u tiin a hnamh hna i aa thawh i inn leiah a kir.

2 SIANGPAHRANG 10:14

Anih nih, “A nung in tlai hna u,” tiah a ti i a nung in an tlaih hna i Beth-eked khor ah khan an thah hna, minung sawm li le pahnih, pakhat hmanh a zuah hna lo

JEREMIAH 35:2

“Rekhab mi hna sinah va kal law, va chawn hna law, Bawipa inn ah a dal pakhat chungah hin rak luhpi hna; cun mitsur zu kha din awkah pe hna,” a ti.

1 SIANGPAHRANG 20:33

Cun mi hna nih cun mah cucu hmelchunhnak ṭha a si tiah an ruah i amah sin cun khulrang in an i lak i, “Asi, na unau Benhadad cu,” tiah an ti. Cun anih nih, “Va kal u law, ratpi u,” tiah a ti. Cun Benhadad cu a sinah a ra chuak i a rangleng cung khan a ratter.

NEHEMIAH 3:14

Rekhab fapa Malkhijah, Beth-hakkherem peng a uktu nih khan Hnawmpon Kutka kha a remh; amah nih cun a ser ṭhan i a innkhar hna le a hrenhnak awng hna le a hrenhnak fung hna kha a bunh hna.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?