2 SAMUEL 7:22 - Lai (Hakha) Common Language Bible 2006

²² Cucaah nangmah cu na ngan ko, maw Bawipa Pathian; zeitintiah kannih nih kan hna in kan theihmi vialte ah nangmah bantuk an um lo i nangmah hleiah Pathian dang zeihmanh an um lo.

2 SAMUEL 7:22 Խաչաձեւ Հղումներ

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

SALM 86:8

Bawipa, nangmah bantuk pathian dang ahohmanh an um lo, nangmah tuahmi bantuk a tuah khomi pakhat hmanh an um lo.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

1 CHANRELNAK 16:25

Zeitintiah Bawipa cu a lianngan i fak piin thangṭhat awk a si, Mi hna pathian vialte hna nakin amah cu ṭih awk a si deuh.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

DEUTERONOMI 3:24

‘Maw Bawipa Pathian, nangmah na salpa hi na lianhngannak le a ṭhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.

SALM 89:8

Lianngan Bik Bawipa Pathian, ahohmanh nangmah tluk i a ṭhawngmi an um lo; zeizong vialte ah nang cu zumhawktlak na si, Bawipa;

SALM 89:6

Bawipa, vancung i a ummi khi nangmah bantuk ahohmanh an um lo, pathian hna lakah hin ahohmanh nangmah tluk an um lo.

SALM 96:4

Bawipa cu a lian a ngan i sang piin thangṭhat awk a si; pathian dang vialte nakin ṭih awk deuh a si.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

SALM 48:1

Bawipa cu a lian a ngan i fak piin thangṭhat awk a si; kan Pathian khualipi chungah le a tlang thiang cungah thangṭhat awk a si.

SALM 145:3

Bawipa cu a lian a nganmi a si, fak piin thangṭhat awk a si; a lianhngannak cu kan hngalh khawh leng a si.

SALM 135:5

Kan Bawipa cu a liannganmi a si kha ka hngalh, pathian dang vialte hna nakin a ngan deuh.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

EZEKIEL 36:22

“Cucaah Israel mi cu, hihi Bawipa Pathian bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

ISAIAH 40:25

Pathian thiang cu aho he dah tahchunh khawh a si lai? Amah bantuk aho tal an um maw?

2 CHANRELNAK 2:5

Kan Pathian cu pathian vialte nakin a ngan deuh caah ka sak laimi inn cu a nganmi a si lai.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

EZEKIEL 36:32

Hi ti ka tuah hi nanmah ruangah a si lo ti kha fiang tein hngal u, tiah Bawipa Pathian nih a ti. Cucaah Israel mi hna, nan ziaza ruangah ningzak hmaichia in um tuah u,” a ti.

EXODUS 10:2

Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in Bawipa ka si kha nan hngalh lai,” a ti.

EXODUS 8:10

Faro nih cun, “Thaizing ah,” tiah a leh. Cun Moses nih, “Asi, na chim bantukin a si lai, zeicahtiah Bawipa kan Pathian bantuk hi pathian dang ahohmanh an um lo ti kha na hngalh nakhnga,” a ti.

EXODUS 9:14

Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawlei cung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

DANIEL 2:45

Ahohmanh tawngh loin zeitindah lungpi cu lungpang cungin a rung rilh i thir le dar le tlak le ngun le sui in sermi milempi cu a den ti kha na hmuh. A liannganmi Pathian nih siangpahrang Bawipa cu hmailei ah zeidah a tlung lai ti kha an chimhnak a si. Na manhmi hrimhrim cu kan chimhmi hi a si i a sullam taktak kha kan pek cang,” tiah a ti

EXODUS 8:6

Cucaah Aaron nih cun a ṭhiangṭhunh cu ti cungah khan a hler i utlak kha an chuak ciammam i ram kha a khah in an khat.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

2 SAMUEL 22:32

“Zeitintiah Bawipa dah ti lo cu ahodah Pathian a si? Kan Pathian dah ti lo cu ahodah lungpi a si?